Minamalas talaga… KRIS, HANDA NANG GASTUSAN NG MGA UTOL MAKABALIK LANG SA TV, 'DI PA RIN UMUBRA

ni Erlinda Rapadas - @Teka Nga! | January 25, 2021

Mukhang hindi pa nga nakatakda ang muling pagbabalik ni Kris Aquino sa telebisyon.

Sa isa sa kanyang mga latest posts, nabanggit ni Kris ang tungkol sa sad news kung saan aniya ay hindi na raw matutuloy ang kanyang daily show sa free TV na ang kanyang mga sisters ang magpo-produce dahil nag-back-out ang isa sana nilang partner.

Bukod sa info na ito, wala nang iba pang detalye na binanggit si Kris at nagpaabot na lamang siya ng pasasalamat sa kanyang mga ate na patuloy na naniniwala sa kanyang kakayahan bilang host. Nag-risk daw kasi ang kanyang mga sisters na mamuhunan para sa kanyang show sa free TV.

Ngayon daw ay mas pinahalagahan na rin ni Kris ang kanyang pamilya na magiging katulong at karamay sa buhay.

It seems maluwag naman sa loob na tinanggap ni Kris na naudlot ulit ang kanyang pagbabalik-telebisyon.