Militar ng U.S., magdadala ng ayuda sa Gaza

ni Eli San Miguel - Trainee @News | March 2, 2024

Magdadala ang militar ng U.S. ng mga pagkain at kagamitan sa Gaza sa pamamagitan ng 'airdrop,' ayon kay Pangulong Biden noong Biyernes.

Ito'y matapos ang mga pagkamatay ng mga Palestinong naghihintay ng tulong sa kasagsagan ng sigalot sa pagitan ng Israel at Palestine.

Sinabi ni Biden na magsisimula ang U.S. sa pagpapadala ng ayuda sa mga susunod na araw ngunit wala siyang ibinigay na karagdagang detalye. Nagbigay na ng tulong sa pamamagitan ng 'airdrop' ang iba pang mga bansa kasama ang Jordan at France.

Ayon naman sa mga opisyal, maaaring magsimula ang mga ‘airdrop’ bago pa man matapos ang linggong ito.