Michelle, iniwan ang dyowa para sa career

ni Angela Fernando - Trainee @News | April 7, 2024

Napuno ng tawanan ang noontime show na "It's Showtime" dahil nakipagkulitan ang mag-inang Melanie Marquez at Michelle Dee sa kanilang segment na ‘EXpecially For You.’

Nausisa rin ni Vice Ganda ang Pinay beauty queen na si Michelle kung ano ang pinakamasakit na naranasan nito dahil sa pag-ibig.

Pagbabahagi ni Michelle, may naging dyowa raw siya bago pasukin ang pagiging beauty queen na inakala niyang kanyang magiging ‘endgame.’

Naudlot daw ang kanilang perfect story matapos siyang papiliin ng dating partner kung career ba o relasyon nila ang gustong bigyan ng atensyon ni Michelle.

Nalungkot man ang madlang pipol sa ibinahaging kwento ni Michelle, very young at pretty naman daw ang aktres kaya hindi ito dapat magmadali pagdating sa paghahanap ng kanyang makakasama sa buhay.

Naging kuwela rin ang naging guesting ng mag-ina dahil talagang sumasabay ang dalawa sa kulitan ng mga hosts at sa mga biro ni Vice Ganda.