Miado, may paalala si Adiwang, kontra Ikeda

ni MC - @Sports | January 13, 2022

Nakatagpo ng kakampi si Jeremy Miado bago pa man ang kanyang pakikipagbakbakan lamang kay Senzo Ikeda sa ONE: Heavy Hitters sa Enero 14 sa Singapore.

Ilang mahahalagang mga payo ang natanggap ni Miado mula sa kanyang ka-team Lakay na si Lito Adiwang na unang naging pamilyar sa Hapones. "Ikeda is a very tough fighter," ayon kay Adiwang, na unang nakasagupa ang dating Pancrase flyweight champion sa ONE: Century I noong Oktubre 2019. "He has this samurai mentality that he's a fighter who will never surrender. You need to knock him out or submit him in order to stop him because that's just how tough he is," dagdag ng "Thunder Kid."

Nang makasagupa ni Adiwang si Ikeda, agad siyang hindi nag-aksaya ng panahon at pinaulanan niya ng upak at striking ang Hapones at sirain ang momentum nito.

"I focused on my combinations because I know that he is a brawler. So we did plan to give a good show by striking with him and knocking him out, but he tried to take me down so I just went for Plan B and submitted him," naalala ni Adiwang.

Kailangan ni Adiwang na mag-adjust sa kanyang game plan dahil sa paulit-ulit na takedown attempts ni Ikeda at gamitin ang bulldog choke hanggang sa tuluyang i-lock ang kanang braso ng Japanese fighter. Nabalian ng braso si Ikeda kung kaya pinahinto na ni referee Motohiro Tsuruwa ang laban sa 1:57 minuto ng round 1.