Mga LGUs, ‘di magkasundo sa travel protocol, sana oks lang kayo!
- BULGAR
- Mar 12, 2021
- 1 min read
ni Ka Ambo - @Bistado | March 12, 2021
Nag-aalboroto na naman ang Bulkang Pinatubo.
Baka nagpapapansin lang?
◘◘◘
Kakandidato raw si P-Digong bilang VP sa 2022.
Marami talaga ang tinotoyo dahil sa pandemic!
◘◘◘
May sobra-sobra kasing campaign fund ang mga alalay ni P-Digong.
At gusto nilang magsipsip!
◘◘◘
Tatlumpung milyong doses ng COVID vaccine ang magmumula sa India.
Ito ay para raw sa mga suki ng mga Bumbay.
Araw-araw din ang gagawing “patak-turok” ng bakuna!
◘◘◘
Hindi magkasundo sa uniform travel protocol ang mga LGU executives.
Karaniwan kasi sa kanila ay “walang utak”, nanalo lang sa eleksiyon gamit ang pera ng bayan!
◘◘◘
Sumasabit ang pulisya sa masaker ng militante sa Calabarzon.
Hindi na yata ‘yan matatapos!
◘◘◘
Kailangan ni P-Digong ay maisalba ang kredibilidad ng PNP.
Masyado nang masama ang reputasyon ng pulisya!
◘◘◘
Imbes na mapaganda ang reputasyon ng gobyerno, pinapapangit ito ng liderato ng pulisya.
Paano kaya ito mareresolba ni P-Digong sa lalong madaling panahon?
◘◘◘
Ang paglaban sa mga insurektos o rebelde ay mas obligasyon ng AFP kaysa sa PNP.
Alam kaya ‘yan ng mga nagsipagtapos sa PNP at PMA?
Mas malamang na hindi!
◘◘◘
May malaking pagkakaiba ang pagiging sundalo at pagiging pulis.
Hindi ito itinuturo sa mga pulis.
Eh, itinuturo naman kaya ‘yan sa mga sundalo?
◘◘◘
Ang kawalan ng pambansang ideolohiya ang siyang ugat ng kaguluhan at masaker.
Wala kasing direksiyon ang diskarte ng mga kolokoy!
◘◘◘
Kailangan ng Pilipinas ang isang paham na may karisma upang mabago ang lipunan.
Pero kailan kaya siya isisilang?
Comments