Mga kritiko ng pamilya Duterte at Marcos, hindi na makatulog

ni Ka Ambo - @Bistado | November 11, 2021

MAUGONG ang pagkandidato ni Mayor Sara sa national post.

Tama ang hula!

◘◘◘

HINDI malinaw kahapon kung pangulo o pangalawang pangulo ang papasukin ni Inday.

Marami ang ninenerbiyos!

◘◘◘

MALUNGKOT si Sen. Bong Go.

Mistulang kinumpirma niya ang pag-atras bilang vice-presidential candidate!

◘◘◘

TAHIMIK ang kampo ni ex-Sen. Bongbong Marcos.

Naghihintay din sila ng “surprise”!

◘◘◘

DUMALO si Mayor Sara sa pulong ng mahigit 60 kongresista ng Lakas-CMD sa pamumuno ni dating PGMA, Rep. Martin Romualdez at Speaker Lord Alan Velasco.

Kapana-panabik ang balita sa anumang oras!

◘◘◘

NAPAKARAMING nagsasabing “tapos na ang boksing”.

Bakit kaya?

◘◘◘

HINDI na makatulog ang mga kritiko ng Pamilya Duterte at Marcos.

Ho-ho-ho!

◘◘◘

MARAMING local candidates ang wala ring idinedeklarang kandidato sa pagkapangulo.

Nganga pa rin sila!

◘◘◘

NASAPAWAN ang pahabaan ng motorcade na walang tao.

Nagtatapon sila ng salapi sa gitna ng krisis at mataas na presyo ng petrolyo!

◘◘◘

WALA ring pahayag ang Malacañang kaugnay sa isyu kay Inday.

Diskartehan lang talaga ang pulitika!

◘◘◘

ANO kaya ang magiging kapalaran ni Sen. Bato?

Bato pa rin?

◘◘◘

MAINAM pa si Sen. Francis Tolentino, pakuya-kuyakoy lang.

Hindi siya nagpagamit sa covert operation!

◘◘◘

GUMAGANDA raw ang takbo ng ekonomiya.

Ekonomiya ng mayayaman ang gumanda, hindi ekonomiya ng mahihirap!

◘◘◘

MATAPOS ang Nobyembre 15, ratsadahan na ang kampanya.

Magpapakawala na ang mga pulitiko ng dirty money!

◘◘◘

KAHIT mula sa pusali ang cash, tatanggapin ‘yan ng mga nagugutom.

Pero, kapag peke ang cash, baka ibalik at ipalamon sa bunganga ng pulitikong pulpol!