ni GA @Sports | October 12, 2023
Mga laro sa Linggo (Oct. 15)
(Smart Araneta Coliseum)
3 n.h. - Galeries vs Nxled
5 n.h. – PLDT vs Cignal
7 n.h. – Choco Mucho vs Creamline
Ipaparada ng Premier Volleyball League (PVL) ang isang bigating ikalawang All-Filipino Conference sa pagbubukas muli ng bakbakan at hatawan sa Linggo ng hapon sa Smart Araneta Coliseum na katatampukan ng 12 koponan.
Maituturing ang patuloy na paglago at paglaki ng bilang ng mga manlalaro at koponan sa mga nagdaaang taon matapos itatag ng Sports Vision ang pagpapalawak ng misyon nitong ihatid sa mga manonood ang matinding hambalusan at malupit na bakbakan ng bawat koponan.
“We are incredibly proud to present the biggest PVL tournament yet, featuring 12 teams,” wika ni PVL at Sports Vision president Ricky Palou. “This season's All-Filipino Conference is a testament to the league's continuous growth and the unwavering support of our fans. We are dedicated to providing the highest level of volleyball competition in the country and this tournament will undoubtedly deliver on that promise.”
Magtatagisan ang 6 na koponan kabilang ang dalawang sister teams na defending champions Creamline Cool Smashers at Choco Mucho Flying Titans ng 7 p.m.
Masusubok ang malinaw na opensa ng Creamline na wala si Julia Morado-De Guzman na lumipat sa Denso Airbees sa Japan V.League na susubukang palitan ni Kyle Negrito kasama ang powerhouse cast nina Alyssa Valdez, Tots, Carlos, Jema Galanza, Celine Domingo, Michele Gumabao, Jeannette Panaga, Kyla Atienza, Risa Sato at Bernadeth Pons.
Mananatiling matatag ang koponan ng Choco Mucho na third place sa VTV Cup na pinagbidahan ni Cherry Ann Rondina, kasama sina Kat Tolentino, Dess Cheng, Deanna Wong, Caitlyn Viray, Isa Molde, Cherry Nunag, Denden Revilla, Bea De Leon at Maddie Madayag.
Ang mga bagong koponan na Galeries High Risers at NXLed Chameleons ay masusubok ng 3 p.m. Ihahatid rin ng bagong app na Pilipinas Live ang mga live na laro na matutunghayan din sa PVL.ph, One Sports, One Sports+, at SMART Livestream app.