MEGAN, TINANGGAP ANG ROLE SA SERYE NI DINGDONG PARA MAKASAMA SI MIKAEL

ni Nitz Miralles @Bida | May 28, 2023

Kasama sa cast ng Royal Blood, ang murder mystery drama ng GMA-7, ang mag-asawang sina Mikael Daez at Megan Young. Parehong excited ang dalawa na mapabilang sa cast ng series.

Noong una, akala ni Megan, si Mikael lang ang kinukuha dahil sa mister lang niya ipinresent ang series. Masaya raw siya para sa asawa dahil may new project ito.

After two months, tinawagan siya para ipaalam na kasama rin siya sa series.

“Actually, kaya namin tinanggap ito kasi we knew we were going to be together, and of course we’re going to work with such a grand cast. So the first time that they asked, we said yes right away and we’re really excited na maka-work namin ang isa’t isa uli after The Stepdaughters which we did in 2018 at ngayong 2023 na uli kami magkasama,” ayon kay Megan.

Nabanggit naman ni Mikael na he loves working with Megan. “This is our second teleserye together but the dynamics in the characters are extremely different so I’m very excited to see ano ‘yung kalalabasan ng mga eksena namin.”

Sa Royal Blood, gagampanan nina Mikael at Megan ang role ng mag-asawa at dahil mag-asawa sila in real life, hindi na sila mahihirapang umarte. Wala na ring adjustment at ilangang mangyayari sa kanila.

Ang sabi, sa June na ang world premiere ng Royal Blood sa direction ni Dominic Zapata at kung saan gaganap na half-brothers sina Mikael at Dingdong Dantes.

Kabilang din sa cast sina Tirso Cruz III, Rhian Ramos, Dion Ignacio at marami pang iba.