McGregor ready na vs. Poirier sa Enero

ni MC - @Sports | December 24, 2020

Tuloy na tuloy na ang rematch nina UFC superstar Conor McGregor at Dustin Poirier sa isang non-title lightweight fight sa UFC 257 sa Enero 23, na gaganapin sa Yas Island, Abu Dhabi.

Hawak ng 32-anyos na Irish fighter ang 22 panalo at apat na talo at huli itong lumaban noong patumbahin si Donald Cerrone sa UFC 246 noong Enero 18.

May record naman na 26 panalo at anim na talo ang 31-anyos na si Poirier na huling lumaban noong talunin si Dan Hooker sa pamamagitan ng unanimous decision noong Hunyo 27. Matatandaang noong 2014 nang talunin ni McGregor si Poirier sa first round TKO sa kanilang featherweight fight.

Samantala, kumbinsido umano ang fans at experts na hindi uubra kay Floyd Mayweather Jr., si YouTuber Logan Paul at madaling matatapos ang magaganap na laban ng dalawa. "Floyd trains extensively and I don't think he's going to go into this fight and not be prepared. He's very excited for the fight,"ayon sa isang boxing analyst. "He sees some big opportunities here, and I don't want to speak for him but I think we all feel this could be a very historical fight and a number of different levels."

Hawak ng 43-anyos na si Mayweather, dating five-division champion at nagretiro sa boksing noong 2017, ang record na 50-0 na may 27 knockouts habang si Paul ay may 0-1 record bilang pro-boxer.

Nakatakdang magsagupa ang dalawa sa exhibition fight sa February 20, 2021, sa hindi pa pinapangalanang venue. "I think it will be a very competitive fight. And to be clear, we have Floyd who is the best fighter and Logan who is a new fighter,"ayon pa sa isang boxing analyst. "But Logan does have some size difference, he's many inches taller, many pounds heavier and when you look at the size and how that could affect the match, there's really no telling what the outcome could be," dagdag pa nito.