ni Angela Fernando - Trainee @News | December 4, 2023
Nagpositibo sa coronavirus ang mayor ng Pasig City na si Vico Sotto.
Ipinaalam ni Sotto sa kanyang Facebook account na siya'y may bahagyang sintomas ng COVID-19 at humingi ng paumanhin para sa mga naudlot na gawain na nakatakda ngayong linggo.
Aniya, “Sunod pa rin tayo sa protocol, postponed/via zoom muna lahat hanggang mawala ang sintomas.”
Nagpaalala rin siya na tumataas ang kaso ng pneumonia, at nandiyan pa ang COVID kaya dapat na magsuot ng mask lalo na sa mataong lugar.
Samantala, nagpapakita ang pinakabagong datos mula sa DOH ng kabuuang bilang ng kaso ng COVID-19 sa 'Pinas ay umabot na sa 4,125,083 nu'ng Disyembre 1, habang ang mga aktibong kaso ay nasa 3,186.