Marami raw nawala sa kanya… VICO, EXCITED NANG MAGBABU BILANG MAYOR

ni Mercy Lejarde @Talkies | June 18, 2026

Photo: Vico Sotto / FB

Nasasabik na si Pasig City Mayor Vico Sotto sa nalalapit na pagtatapos ng kanyang ikatlo at huling termino bilang alkalde ng lungsod.

Ito ang ibinahagi ng anak ni Bossing Vic Sotto hinggil sa buhay-pulitika sa panayam sa kanya sa YouTube (YT) channel ng broadcast journalist na si Bernadette Sembrano.

Inamin ng alkalde na handa na siyang magpaalam sa puwesto matapos ang halos siyam na taong paglilingkod sa Pasig.

“Last term, excited na ako,” ani Mayor Vico.

Sey pa niya, “Imagine, I started at 29 years old. So ngayon, ano na ako, 36. I’ll end my term at 38. I gave my best years.”

Ipinaliwanag din niya ang naging sakripisyo sa kanyang personal na buhay para sa pagsisilbi sa publiko.

Aniya, “I gave my entire 30’s halos. Wala na akong ibang nagawa. I mean, in my personal life, ha? Halos wala kang ibang... kasi the focus, eh. It’s a full-time job.

“S’yempre, meron din akong gustong gawin na iba, pero ‘di puwede, eh. Kailangan, focused kasi the people trusted you, eh.”

Sa nasabing panayam ay napag-usapan din kung paano haharapin ng alkalde ang pagtalikod sa kanyang posisyon.

Tanong ni Bernadette, “Kaya mong talikuran nang ganu’n lang ang pagiging mayor?”

Sagot niya, “Yes. Sa akin, ‘di s’ya mahirap. Gagawin ko nga s’ya sa 2028, eh. Sa akin, wala namang isyu ru’n. Sinabi ko na gagawin ko s’ya. Madali lang,” saad ni Vico.

“Kasi alam mo, ang isang problema talaga... ‘di ba, sabi nga, ‘Absolute power corrupts absolutely.’ And as much as you would like to think the best of yourself—I want to think the best of myself—the reality is, there’s a certain truth that applies to everyone.

“Once you’re in power, at some point, may magbabago rin sa ‘yo kahit sabihin mong grounded ka.

“I try to keep myself grounded. I try to keep myself accountable, and I think maybe compared to others, medyo naka-steady lang naman ako.

“Pero I think it would be a good thing pagkatapos ng siyam na taon, take a step back and reassess.

“Sa tingin ko, maganda ‘yun. And that’s also why, you know, I believe in term limits.

“Kung talagang effective ‘yung ginawa ko ngayon, at ‘yung mga repormang ginawa ko ngayon ay maayos at pangmatagalan, ang tunay na test d’yan ay ‘pag wala na ako.

“We should stop being too personality-based in our politics and in our governance,” dagdag pa niya.

Salute to Coney Reyes and Vic Sotto for raising Mayor Vico so well! A great testament to excellent parenting despite their busy lives in showbiz.

Mayor ng Pasig, kahit gustong magturo na lang sa Ateneo… VICO, PILIT PINATATAKBONG PRESIDENTE SA 2028 ELECTIONS

ni Erlinda Rapadas @Teka Nga | April 28, 2026

Photo: File / -FB Paulo Avelino

Ilang beses nang sinabi ni Vico Sotto na wala siyang intensiyon na tumakbo sa mas mataas na posisyon sa 2028 election. Pagkatapos daw ng kanyang termino bilang mayor ng Pasig, balak niyang muling mag-aral at bumalik sa akademya. 

Plano rin niyang magturo sa Ateneo de Manila University, ang kanyang alma mater.

Pero marami ang pilit siyang kinukumbinse na huwag munang iwan ang pulitika. Isa kasi siyang mahusay na public servant, masipag at hindi corrupt. 

Puwede siyang tumakbong vice-president (VP) o president. Pero 38 years old pa lang si Mayor Vico sa 2028. Kailangan ay 40 years old ang edad ng kakandidatong VP o presidente.

Marami rin ang nagsasabi na kung ang pagiging senador ang kanyang pipiliin, tiyak na magiging number one senador siya dahil sa kanyang popularidad ngayon. 

Let’s see kung hindi magbabago ang desisyon ni Mayor Vico Sotto na pahinga na muna siya sa pulitika.

---

Aminadong magastos sa mga luho… 

MARIEL, AYAW UMASA SA DATUNG NI SEN. ROBIN, TODO-KAYOD

AMINADO si Mariel Rodriguez na magastos siya, kaya kailangan niyang magkaroon ng sariling income upang makabili ng mga bagay na gusto niya. 

Kahit senador na ang kanyang mister na si Robin Padilla, hindi nito basta bibilhin ang mga luxury bags na gusto ni Mariel.

At maging sa pagkain ay magkaibang-magkaiba sila. Si Sen. Robin Padilla ay mga pagkaing lutong-bahay ang gusto, samantalang si Mariel ay nasanay kumain sa mga high-end resto. 

Kaya kapag gusto niyang kumain sa labas, sumasama siya sa kanyang grandpa at iba pang kamag-anak.

Gusto ni Mariel na may sariling pera siya para sa kanyang pansariling pangangailangan. At doon niya naisip na mag-live selling ng kanyang mga personal na gamit tulad ng bags, shoes at iba pa. 

Nauna na rito ang kanyang steak business, na si Robin pa ang kanyang delivery boy. Kaya naman hindi naging issue sa kanila ni Sen. Robin ang pera. Hindi siya nakadepende sa kanyang mister.

---

Gustong mag-solo, ‘di umubra…

CAPRICE AT HEATH, PINAGSAMA SA SERYE PARA SUMIKAT

MAS palalakasin ng GMA Network ang tambalan nina Caprice Cayetano at Heath Jornales. Sila ang magbibida sa bagong romantic series ng GMA Public Affairs na You Are My Favorite Song (YAMFS).

Makakasama nila rito sina Marco Masa at John Clifford na kasamahan nila sa Pinoy Big Brother Celebrity Collab Edition 2.0 (PBBCCE 2). Ito ay mula sa direksiyon ni JP Habac na ang kuwento ay mula sa original na konsepto ni Ivan Caro at isinulat ni Erwin Caezar Bravo.

Mas mahahasa ang talento sa pag-arte ng CapEath tandem at magiging daan upang mapatatag ang kanilang showbiz career. 

Bagama’t may naunang pahayag si Caprice Cayetano na gusto niyang makilala bilang solo artist at hindi nakadepende sa love team, naniniwala ang Sparkle GMA Artist Center na mas susuportahan sila ng mga fans kung magta-tandem muna sila sa mga shows na kanilang gagawin. 

Darating din ang panahon na kapag sikat na sikat na sila, hindi na nila kailangang nakadepende sa kanilang love team.

---

Gagawing tagapagsalba… 

DENNIS, PASOK SA ENCANTADIA KUNG KELAN MAGTATAPOS NA

IKINATUWA ng mga viewers ng Sang’gre ang pagpasok ng karakter ni Dennis Trillo bilang ang Bathalang si Emre. Siya ang tutulong sa mga Sang’gre upang matalo ang kanilang mga kalaban.

Nagbabalik ang Bathalang si Emre upang isalba ang kaharian ng Encantadia. Magsasama-sama ang mga Sang’gre upang magapi ang kanilang mortal na kalaban.

Nalalapit na ang pagwawakas ng fantaserye pero marami pang twist at mga kapana-panabik na eksena na dapat abangan. 

Asahan ang umaatikabong labanan na magaganap. May mga dating tauhan din ng Encantadia na magbabalik at makakasama ng mga Sang’gre sa kanilang pakikipaglaban.

Discayas, nananakot ng empleyado — Sotto

ni Info @News | December 21, 2025

Photo: File / Senate PH / Vico Sotto

Ibinulgar ni Pasig City Mayor Vico Sotto ang pananakot umano nina Pacifico ‘Curlee’ Discaya at Sarah Discaya sa kanilang mga dating empleyado na nais tumestigo laban sa kanila.

Ayon kay Sotto, nanghihingi umano ng pera ang mag-asawa kapalit ng hindi pagsama sa kanilang listahan o ‘ledger’ ng mga sangkot umano sa maanomalyang flood control projects.

Dagdag pa niya, “Sa nakikita natin, wala talaga silang pagsisisi [at] patuloy pang nagsisinungaling [pati] paiba-iba ng kwento.”