Mayor Bistek, iniwasan na… KRIS, UMAMING 7 TAONG STRESSED ANG PUSO KAYA LUMAYAS NA SA BAHAY SA QC

Julie Bonifacio - @Winner | March 9, 2021

Umalma si Kris Aquino sa ipinost na balita ng TV5 sa kanilang Facebook page na may account name na News5 dahil sa headline na tatakbo siya sa 2022 election.

Ang ikinairita pa ni Kris sa naturang post ay ang paglalagay ng larawan niya kasama ang kapatid at dating presidente na si Benigno "Noynoy" Aquino.

Nakalagay sa FB account ng News5, "TATAKBO SA 2022? Ito ang tahasang sinabi ni Kris Aquino matapos niyang tablahin ang mga pumupukol ng isyu sa kanyang mga anak."

Sa ilalim ng caption na 'to ay nakalagay ang link kung saan ipinost ni Kris ang reaksiyon niya sa mga nambu-bully kina Joshua at Bimby.

Heto ang ilang bahagi ng post sa kanyang Instagram at Facebook accounts last Sunday, "Continue messing with them, then you are pushing me in the direction you are so obviously afraid I will take. That yellow brick road is starting to look very inviting now."

Sa kanyang post kahapon, sinabi ni Kris na ang tinutukoy daw niya na "yellow brick road" ay halaw mula sa karakter ni Dorothy sa pelikulang Wizard of Oz.

Gaya ni Dorothy, na-realize raw ni Kris na true ang linyang "there is no place like home."

"I shall now answer, in straightforward language, I was running away from love because high blood pressure from 7 years of emotional stress is awful for my autoimmune conditions. Irrational as it may seem, had I not moved to QC, our paths would never have crossed," esplika ni Kris kung bakit daw hindi na sila nakatira sa bahay niya sa Greenmeadows sa Kyusi.

Wait lang, si ex-Mayor Herbert Bautista kaya ang tinutukoy ni Kris na tinakbuhan o iniwasan na niya? Wala naman kasi kaming maisip na ibang taga-Kyusi na na-link sa kanya maliban kay Bistek, eh.

On her next message/post, inilahad ni Kris na naghahanda na siya na magpalit ng voter's registration sa Sitio Alto, Barangay Central sa Tarlac.

May nakita na raw silang lugar doon kung saan itatayo ang maliit na compound para sa kanya.

"2022? Not likely... You deserve a HEALTHY public servant, able to be there for you 24/7... You deserve someone who went back to school to study finance and community development....and my youngest should already be in college so that whatever is thrown his way-he'll be well equipped to defend himself."

Pagkatapos ay nag-enumerate si Kris ng ilang trivia about herself. Una, ang favorite niya na arcade game nu'ng tumira siya with her parents sa Boston when she was still a child. Pangalawa, ang fave teacher niyang isang Franciscan sister na si Sr. Maureen. At ang favorite movies niya na The Bodyguard and West End.

"Because in real life, you really don't end up with the man who changed you for the better," paliwanag pa ni Kris.

At sa last part ng kanyang post, inilabas ni Kris ang sama ng loob sa TV5.

"And TV5, really? Inayawan n'yo 'yung co-prod natin, 'di ba, 'yung artcard ba, kailangan talaga, picture pa namin ni Noy? He loves Josh so much. The whole point of the post was binabalahura ang mga anak ko, tapos idadamay n'yo 'yung nagmagandang-loob na hinatian na si Kuya Josh ng technically, bahay niya sa Tarlac. Leave my brother out of this."

Binalikan namin ang naturang post ng News5 sa Facebook na sinasabi ni Kris, pero hindi na namin makita. Baka naman nagkausap, and hopefully, nagkaayos na ang News5 at si Kris.

Love...love....love.