May third at fourth wave na ang COVID, nakupo!

ni Ka Ambo - @Bistado | May 27, 2021

Ipinakakansela na ang Tokyo Olympics.

Malaki ang tama ninyo.

Puwede naman kasing i-boykot, ah!

◘◘◘

MAY third at fourth wave na ang COVID.

Negosyo kasi ‘yan ng mga multi-national companies!

◘◘◘

MAGKAKAIBA ang protocol sa mga pagburol at paglibing ng patay sa gitna ng pandemic.

Bakit kaya?

◘◘◘

KALIWA’T kanan ang tupada.

Pinagkikitaan kasi ‘yan ng mga protektor.

Kapag maliit ang tongpats, sinasalakay ng mga iskalawags!

◘◘◘

TULAD ng ordinaryong tao, dahop din ang mga parak.

Isang parak nga ang nangholdap at nasakote sa Bulacan!

◘◘◘

MALAKI ang tama ni PNP Chief Guillermo Eleazar na purgahin ang Pambansang Pulisya.

‘Yan mismo ang mithiin ng internal cleansing ni Heneral Gilor—sibakin ang mga tiwaling parak!

◘◘◘

OTSENTA porsiyento na ang ibinaba ng bilang ng nagpopositibo sa COVID.

Sa nalalabing 20 percent, kakarampot lamang dito ang severe at kritikal.

Inililihim ‘yan ng DOH.

Eh, bakit?

◘◘◘

DAPAT severe cases at death na lamang ang binibilang na siyang pagbabatayan ng lockdown.

Kapag ganyan, makikitang tapos na ang pandemic!

◘◘◘

MARAMI ang namamatay sa stress.

Kasama na riyan ang sakit sa puso at pneumonia.

Wala kasing galaw ang ekonomiya!

◘◘◘

HINDI COVID ang isyu ngayon, bagkus ay ang matinding pagdarahop sa paligid.

Kapag walang salapi ang ordinaryong mamamayan, marami ang magkakasakit at gagawa ng krimen!

◘◘◘

WALANG kongkretong solusyon ang gobyerno sa krisis sa ekonomiya.

Hindi ito nareresolba nang biglaan o sang-iglap lamang!

◘◘◘

BAGSAK ang industriya, taob ang ganansiya.

Walang bakuna kontra riyan.

Walang customer, walang konsiyumer at walang komyuter.

Paano yan?

◘◘◘

NATUPAD ang pangarap nang presidentiable, nagsiuwi sa mga lalawigan ang mayorya ng residente ng Metro Manila.

Ang resulta?

Bangkaroteng ekonomiya.

Tsk-tsk-tsk!