May payo sa mga batang beki… KALADKAREN: 'WAG MATAKOT MAGING KAYO AT 'WAG MATAKOT MANGARAP!

ni Reggee Bonoan @Sheet Matters | April 13, 2023

Hiyawan ang lahat ng taong dumalo sa 1st Summer Metro Manila Film Festival Awards Night nitong Martes nang gabi, April 11, sa New Frontier Theater sa pagkakapanalo ng kauna-unahang transgender na si Jervi Li o mas kilala bilang si KaladKaren as Best Supporting Actress in a supporting role sa pelikulang Here Comes the Groom.

Ginampanan ni KaladKaren ang karakter ni Wilhelmina mula sa direksiyon ni Chris Martinez, produced ng Quantum Films, Brightlight Productions at Cineko Productions.

Makikitang naging emosyonal ito sa kanyang pagkakapanalo kaya't napahaba ang speech niya habang mahigpit na hawak ang tropeo.

"Alam n’yo po, itong parangal na ito ay hindi lamang po recognition ng aking trabaho, kundi pati na rin po ng aking pagkatao," bungad ni KaladKaren.

"When I entered show business, I never thought na makakakuha po ako ng award kasi as a transgender woman, I thought, I will never be enough.

"Kaya napakahalaga po ng award na ito sa akin and I wanna share this to all transgender people, drag artist, members of the LGBTQIA+ community, whose lives and existence are being threatened in the world right now. Para sa inyo pong lahat ito," nanginginig ang boses na sabi ng aktres.

Dagdag pa niya, "I wanna remind all of you that we are more than enough."

Pinasalamatan ni KaladKaren ang mga miyembro ng jury ng 1st SMMFF sa pangunguna ng Golden Globe awardee na si Dolly de Leon as chairman, at producer niyang si Atty. Joji Alonso, Direk Chris Martinez at mga co-actors tulad nina Maris Racal, Enchong Dee, Awra Briguela, Xilhouete, Nico Antonio at Iyah Mina (first transwoman Best Actress in Cinema One).

"Thank you for hiring a transgender actress to play a transgender character. Thank you for being truthful."

Siyempre, hindi rin niya nakalimutang batiin si Karen Davila sa kanyang speech, ang inspirasyon sa persona ni KaladKaren, at ang fiancé niyang si Luke Wrightson.

"Ma’am Karen Davila, if not because of your support, I don’t think KaladKaren will fly. And to Meme Vice Ganda, thank you for opening so many doors for us, so we can enter. You’re one of the reasons why I am here tonight. And to the love of my life, Luke, kung nasaan ka man.

For 11 years, you have shown me and made me feel that I am more than enough.

"Thank you, also, sa lahat ng mga batang nangangarap, mga LGBTQIA+ na kids, mga batang beki. Huwag kayong matakot maging kayo at huwag kayong matakot mangarap. Because one day, hindi n'yo alam, kayo rin ang nandirito. Hindi po ang inyong hitsura at kasarian ang mahalaga, kung hindi ang inyong puso at kaluluwa," pahayag nito.

Congratulations, KaladKaren!