May “K” ang nanay na kunin sa tatay ang anak na 3 years old

ni Atty. Persida Rueda-Acosta - @Magtanong Kay Attorney | February 10, 2022

Dear Chief Acosta,

Ang anak ko na tatlong taong gulang pa lamang ay pilit na kinuha sa akin ng kanyang ama at isinama sa kanyang bagong tirahan kung saan kasama ang kanyang babae.

Nag-aalala ako sa kalagayan ng aking anak dahil pumapasok sa opisina ang aking asawa habang ang aming anak ay naiiwan sa pangangalaga ng kanyang kinakasama.

Ako ay may maayos na mga negosyo at kaya kong alagaan ang aking anak dahil may mga katiwala naman ako sa negosyo at maaari akong manatili sa bahay para mag-alaga ng anak. Maaari ko bang kunin ang anak ko sa kanyang ama? – Lovely

Dear Lovely,

Para sa inyong kaalaman, ang batas na sumasaklaw sa sitwasyon na inyong inilahad ay ang Article 213 ng Family Code of the Philippines kung saan nakasaad na:

“Article 213. In case of separation of the parents, parental authority shall be exercised by the parent designated by the Court. The Court shall take into account all relevant considerations, especially the choice of the child over seven years of age, unless the parent chosen is unfit. No child under seven years of age shall be separated from the mother unless the court finds compelling reasons to do otherwise.”

(Binigyang- diin)

Nakasaad din sa Article 363 ng New Civil Code of the Philippines na:

“Art. 363. In all questions on the care, custody, education and property of children the latter's welfare shall be paramount. No mother shall be separated from her child under seven years of age, unless the court finds compelling reasons for such a measure. (Binigyang-diin)

Malinaw na nabanggit sa mga batas na nanay ang may karapatan sa kustodiya ng batang may edad 7 taon at pababa, maliban lamang kung ang nanay ay hindi nararapat sa pag-aalaga ng kanyang anak.

Ipinaliwanag din ng ating Korte Suprema, sa kasong Pablo-Gualberto vs. Gualberto (G.R. No. 154994, June 28, 2005, Ponente: Honorable Former Chief Justice Artemio T. Panganiban) ang sumusunod:

“In all controversies regarding the custody of minors, the sole and foremost consideration is the physical, educational, social and moral welfare of the child, taking into account the respective resources and social and moral situations of the contending parties. The general rule that children under seven years of age shall not be separated from their mother finds its raison d’etre in the basic need of minor children for their mother’s loving care. The principle of "best interest of the child" pervades Philippine cases involving adoption, guardianship, support, personal status, minors in conflict with the law, and child custody. In these cases, it has long been recognized that in choosing the parent to whom custody is given, the welfare of the minors should always be the paramount consideration.”

(Binigyang-diin)

Sa inyong sitwasyon, maaari ninyong kunin ang inyong anak dahil siya ay tatlong taong gulang pa lamang. Kailangan lang mapatunayan sa korte na may kakayahan kayo bilang ina ng nasabing bata na arugain, alagaan at mahalin ang inyong anak at maibigay ang kanyang mga pangangailangan.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.