May bata pang involved… MARIAN, NAGSALITA NA SA HIWALAYAN DAW NILA NI DINGDONG

ni Beth Gelena @Bulgary | January 10, 2026

Photo: I FB Marian Rivera

Nag-react si Marian Rivera sa isang blind item na may pamagat na ‘Power couple, hiwalay na’ na agad iniuugnay ng publiko sa kanila ng mister na si Dingdong Dantes.

Ayon sa host ng isang entertainment channel, maraming nagtatanong kung ang DongYan nga ba ang tinutukoy sa blind item. Upang linawin ito, tinext umano niya si Marian na kalaunan ay tumawag at tawa nang tawa.

Ani Marian, bakit daw tuwing umpisa ng taon ay sila agad ang lumalabas sa blind items? 

Ayon pa sa kanya, masaya raw ang kanilang pamilya at kasalukuyang nagbabakasyon sa Palawan.

Gayunman, ayon sa host, may isa pa umanong power couple na napapabalitang hiwalay na.

Ilan sa mga komento ng mga netizens:

“S’yempre, ide-deny ‘yan, kahit ‘yung illegitimate child issue, kasi may contracts at risk.”

“Masyadong perpekto ang kasal nila na hindi matanggap ng mga bashers.”

“Fake news pa more.”

“Kung may bata talaga, lalabas din ‘yan. Tsismis lang ‘yan.”

“Alangan namang aminin kahit ‘di totoo.”

“Sa history ng paano sila nagkatuluyan, hindi hahayaan ni Marian na mauwi sa hiwalayan.”

“Every year may issue ng hiwalayan, ano naman kaya ngayon?”

“Kung totoo man, sana hindi napabayaan ‘yung bata.”

“Sabi nga nila, ‘pag may usok, may apoy.”

“Panahon ang magsasabi.”

Wala pang pahayag ang aktor na si Dingdong Dantes tungkol sa isyung ito.

---

Sa kasal nila ni Zanjoe…

RIA, WALANG ALAM SA NAGING AWAY NINA JOHN LLOYD AT ROBI

BINASAG na ni Ria Atayde ang katahimikan tungkol sa umano’y alitan na nangyari sa kasal nila ni Zanjoe Marudo sa simbahan bago nag-Pasko. 

Nagkairingan umano sina John Lloyd Cruz (JLC) at Robi Domingo kung saan kinompronta raw ng una ang huli dahil sa isang biro na tinawag si Zanjoe bilang ‘Mr. Atayde’ noong reception.

Ayon kay Ria, wala siyang alam na may naganap na komosyon. Inilarawan niya na maayos at maganda ang naging kaganapan ng kanilang church wedding. Pinuri pa niya ang kanilang ‘phone-free’ policy na sinunod ng mga bisita upang maiwasan ang abala at agarang paglabas ng impormasyon ng kasal sa online. 

Pero bagama’t solemn wedding ang gusto ng couple, naging sentro pa rin ng atensiyon ang umiikot na tsismis tungkol sa umano’y mainit na komprontasyon sa pagitan nina JLC at Robbie.

Nagsimula ang mga bulung-bulungan matapos magbahagi ang beteranong showbiz insider na si Ogie Diaz ng isang nakakaintrigang kuwento sa kanyang vlog. 

Ayon sa mga ulat, sumiklab ang tensiyon sa after party sa reception.

Si Robi ang nagsilbing host ng kasiyahan kung saan nagbiro siya nang tanungin ang groom kung ano ang pakiramdam ng pagiging ‘Mr. Atayde’, ilang sandali matapos tanungin ang bride tungkol sa pagiging ‘Mrs. Marudo’. 

Bagama’t biro lamang ito, tila hindi nagustuhan ni Lloydie dahil hindi umano naaangkop ang naturang biro para sa kanyang kaibigan.

Ayon sa mga saksi, naging malakas ang palitan ng usapan sa bar area na umagaw ng pansin ng ilang celebrity guests. Si Donny Pangilinan pa nga raw ang pumagitna upang pakalmahin ang sitwasyon.

“If something did happen between them, they did an amazing job of keeping it away from me,” ani Ria. 

Sey pa niya, “It wasn’t something that disrupted the event at all. It was a beautiful, smooth night from start to finish.”

Nagpahayag din ng pasasalamat si Ria sa kooperasyon ng mga bisita sa kanilang mahigpit na phone-free policy. Dahil dito, naging mas present ang lahat at nanatiling nakatuon ang atensiyon sa kanilang pag-iisang-dibdib at hindi sa social media.

Sa huli, kinumpirma ni Atayde na bagama’t bahagi ng showbiz ang drama, hindi ito umabot sa kanilang altar.

Narito ang ilan sa mga komento ng mga netizens:

“It is an old-hat western joke during weddings. A playful reversal of role. I think Robi meant it as light banter.”

“I mean, doesn’t his question denote that Zanjoe is less than his wife in this marriage? Medyo off din nga.”

“That joke of Robi has a deeper sense, Zanjoe being called Mr. Atayde. Maybe JL thought Robi calling Zanjoe as Mr. Atayde an insult not as Ria’s husband but as a bro and son-in-law of the two Ataydes in Congress.”

“‘Yun ang hindi naiintindihan ng mga bashers ni JLC. Focus agad sila na kesyo laos kaya nagpapansin. ‘Yung nilalait nila, milyonaryo.”

“JL is the next Baron.”

“May kinalaman yata ‘yung joke sa flood control allegation kay Arjo Atayde.”

“JL is a real one on this issue. I won’t mind kung may tropa akong magtatanggol sa akin.”

“Dapat mag-ingat si Robi sa sinasabi n’ya. Kaibigan ‘yun, natural lang maasar si JLC.”

“It was perhaps meant to be a joke delivered in the wrong place at the wrong time. Robi must be more sensible when making jokes.”

Umaasa naman ang ilan na nagkaayos na rin sina Robi Domingo at John Lloyd Cruz matapos ang selebrasyon.