MAXENE AT MISTER, 2 BESES NAGPAKASAL, 3 TAON LANG NAGSAMA, HIWALAY NA

ni Erlinda Rapadas - @Teka Nga | October 20, 2022

Hindi na itinago sa publiko ni Maxene Magalona at inamin na hiwalay na sila ng kanyang mister na model-musician na si Rob Mananquil. Nagwakas na ang tatlong taon nilang marriage na inakala ng kanilang mga kaibigan ay magtatagal at magiging maligaya.

Ikinasal sina Maxene at Rob noong Jan. 2018. Dalawang beses nga silang nagpakasal.

Una ay sa isla ng Boracay at isang church wedding.

Naging masaya naman ang unang taon ng kanilang pagsasama bilang mag-asawa. Pero nang dumating ang COVID pandemic ay sinubok ang tatag ng kanilang relasyon.

Aminado si Maxene na may matindi siyang pinagdaanan na nakaapekto sa kanyang mental health.

Madalas na silang nag-aaway ni Rob, pero inunawa at sinuportahan siya ng kanyang mister.

Nagbakasyon pa sila sa Bali, Indonesia upang pareho silang makapag-isip-isip sa kanilang marital problem.

Pero dumating na nga sa point na hindi na talaga sila magkasundo at tuluyan nang nagdesisyon na maghiwalay.

Single and childless ang status ngayon ni Maxene Magalona. Hindi sila biniyayaan ni Rob ng anak, ngunit hindi naman ito nangangahulugan na miserable at malungkot si Maxene. Positibo pa rin ang kanyang pananaw at magsisimula siya sa bagong journey ng kanyang buhay.