Matapang na ulit ang Philippine Coast Guard sa pagbabantay sa WPS, may backup kasi sa mga ‘Kano

ni Ka Ambo - @Bistado | May 30, 2021

Dalawa ang patay, 11 ang sugatan at 2 ang nawawalang pulis nang mang-ambush ang NPA sa Occidental Mindoro.

Palparan pa more!

◘◘◘

BIGLANG tumapang ang Philippine Coast Guard sa pagbabantay sa West Philippine Sea kontra China.

Nasa likod kasi ang mga ‘Kano!

◘◘◘

DARATING pa ang sangkaterbang bakuna mula sa WHO na suportado ng US.

Gusto nilang sapawan ang Beijing!

◘◘◘

NAGKAKAISA ang European military alliance.

Sila ang alyansa ng U.S. kontra China.

Ang Pilipinas, ‘nganga’ lang muna!

◘◘◘

HABANG lumalakad ang panahon, patindi nang patindi ang girian ng U.S. at China.

Walang ibang kauuwian ‘yan kundi ang digmaan!

◘◘◘

WALANG nang balita tungkol sa India.

Pero sangrekwa pa rin ang tinatamaan ng COVID sa kanila!

◘◘◘

DINUDUMOG na ang COVID vaccine sa Metro Manila.

Akala siguro nila ay may sangkap itong gluta!

◘◘◘

KALIWA’T kanan pa rin ang nasasakoteng shabu.

Hindi talaga ito masugpo!

◘◘◘

SOBRANG higpit ang mga bansa sa mga dumarating na dayuhan.

Sobrang bagsik kasi ang bagong variant ng COVID!

◘◘◘

NAGLAHO na ang COVID sa Metro Manila dahil sa mataas na temperatura.

Nagtatakbo ang COVID sa mga lalawigan kung saan mas maayos ang klima!

◘◘◘

UMABOT na sa 60 milyong ang rehistradong botante.

Nasaan ang higit sa 40 milyon sa 100 milyong Pinoy?

Hindi ba sila boboto?

◘◘◘

WALA nang duda na kakandidato si Yorme bilang pangulo ng bansa.

Marami na ang nag-o-organisa para sa kanya!

◘◘◘

IDINEDEKLARA ng kanyang mga amuyong si Mayor Sara para sa 2022.

Ereng si Sen. Manny Pacquiao, sige lang ang lihim na preparasyon.

Nagkakasya naman sa laylayan si VP Leni, nag-aabang na muling makatsamba!