Matagal nang type, Chiz… ALDEN, GAME GASTUSAN SI HEART MAKASAMA LANG

ni Erlinda Rapadas @Teka Nga | March 22, 2024

Seryoso sa kanyang pagiging direktor at producer si Alden Richards. Nasimulan na niya ang isang movie na co-produced niya with Viva Films, pero naghahanap pa rin siya ng magagandang projects at istorya na puwedeng gawing movie. 

Nang magkita sila ng Star for All Seasons na si Vilma Santos sa 50th anniversary ng Mowelfund, marami ang nagsasabi na bagay din silang magkasama sa movie. 

At nang magkita rin sila ni Heart Evangelista, nabanggit ng Pambansang Bae na si Alden ang kagustuhan niyang makasama sa movie ang wife ni Sen. Chiz Escudero.

Si Alden din ang magdidirek at magpo-produce nito. Kaso, kailangan daw na naiiba at bagay sa personalidad ni Heart ang movie lalo’t may pagka-fashionista ang datingan nito. 

Well, mukhang excited naman si Heart na muling umarte at gumawa ng pelikula dahil matagal-tagal siyang tumigil gumawa ng serye, lalo’t tumutok siya sa kanyang career bilang fashion icon sa ibang bansa.