Mas oks daw sa showbiz kesa sa pulitika… CLAUDINE, BALIK-GMA-7

ni Nitz Miralles - @Bida | July 29, 2022

Balik-GMA-7 si Claudine Barretto, pero guest lang siya sa August 6 episode ng Wish Ko Lang titled Bisita. Espesyal ang episode na tatampukan ni Claudine dahil isa sa pang-20th anniversary ng programa ng GMA-7 na host si Vicky Morales.

Natuwa ang mga fans ni Claudine na muli siyang mapanood na umaarte at ang wish nila ay muli siyang mabigyan ng teleserye. May mga requests na nga ang mga fans sa Kapuso stars na gusto nilang makasama ni Claudine sakaling mabibigyan ng teleserye ng Kapuso Network.

Payo rin ng mga fans kay Claudine, ‘wag na siyang muling pumasok sa pulitika at balikan na lang ang pag-arte kung saan siya magaling. Teleserye at pelikula ang kanilang request na hintayin natin kung matutupad.