Mas naging close sa anak ni John Lloyd… DEREK, P2M ANG GINASTOS SA HONEYMOON NILA NI ELLEN SA AFRICA

ni Erlinda Rapadas - @Teka Nga | March 8, 2022

Last February 24, bumiyahe pa-Africa ang mag-asawang Derek Ramsay at Ellen Adarna para sa kanilang much delayed honeymoon.

Sa Africa talaga nila pinangarap na mag-honeymoon upang ma-experience ang African Safari kasama si Baby Elias.

At base sa kanilang ipinasilip na video sa kanilang African adventure, mukhang sulit na sulit at nag-enjoy sila nang husto.

Napakamahal ng biyahe nilang 'yun sa Africa. Balitang P2M ang ginastos ni Derek kasama na ang round trip air fare para sa apat (Derek, Ellen, Elias at yaya).

Expensive rin ang hotel na kanilang tinuluyan sa Africa na P176,600 per night. Apat na araw silang nag-stay sa nasabing hotel.

Ang kanilang Safari trip sa National Park na may service vehicle ay umabot sa P97,000 ang renta. Sumakay din sila sa hot air balloon na ang charge per person ay P30,950.

Pero sa biyaheng 'yun nina Derek at Ellen ay mas tumibay ang kanilang bonding bilang pamilya. Naging mas close rin si Derek kay Baby Elias na itinuring na niyang tunay na anak.

Tiyak na maraming memories na babaunin si Elias sa kanyang paglaki na bahagi si Derek Ramsay. Dapat na pantayan ito ni John Lloyd Cruz.