Mas maginhawa pa ang buhay sa probinsiya kaysa sa mga taga-Metro Manila

ni Ka Ambo - @Bistado | March 19, 2021

Nagmamaniobra na ang oposisyon kontra sa kandidato ni P-Digong.

Normal ‘yan!

◘◘◘

AYON sa mga eksperto kuno, makatutulong ang pagtuturok ng COVID vaccine para pigilan ang pagdami ng tinatamaan ng naturang virus.

Siyempre!

◘◘◘

MAY nagtatanong: ‘Pag daw ba bumagsak nang todo ang ekonomiya ay matatalo ang manok ni P-Digong sa 2022?

Pwes, ano ang dasal ng anti-Digong?

Lagim!

◘◘◘

KINOKONTRA ng isang paksiyon sa loob ng PDP-Laban ang public statement ng kanilang pangulo na si Sen. Manny Pacquiao.

Ngek!

◘◘◘

ANO na ibig sabihin ng liderato?

Popular na termino ‘yan pero kakaunti ang nakauunawa.

Dapat unawain muna ‘yan ng isang kandidato bago siya mag-file ng COC!

◘◘◘

KAPAG hindi nauunawaan ng kandidato ang kahulugan ng liderato, madali mauto ng kanyang mga amuyong.

Kumbaga, lulutuin siya sa sarili niyang mantika.

At makakalaban niya ang kanyang “sarili”!

◘◘◘

TAMA ang dakilang komedyante si Pidol pero hindi pinakinggan ni Da King.

May liderato ba si Da King?

Kung ano ang sagot, ‘yan ang dahilan ng kanyang kabiguan!

◘◘◘

MAY kakayahan si Dolphy na magwagi.

At inamin niya, natatakot siya manalo sa eleksiyon.

Isang mensahe ng taong mapagpakumbabang loob!

◘◘◘

NASAAN na ang pautang ng gobyerno sa maliliit na negosyanteng nabangkarote sa krisis?

Nasa mga kakandidato sa 2022!

◘◘◘

MAS maginhawa ang buhay ng mga nasa lalawigan kaysa sa buhay ng mga nasa Metro Manila.

Wala kasing hard lockdown sa kanila.

Aktuwal nang bumaliktad ang ikot ng mundo!