Mas love kesa kay Liza… ENRIQUE, SUPER IN LOVE RAW SA BAGONG DYOWA, PAARAL NA, GUSTO PANG GAWING SUPERSTAR AT PAKASALAN

ni Julie Bonifacio @Winner | May 27, 2026

Photo: IG _enriquegil17

Umani ng ingay sa social media ang rebelasyong ibinahagi ng isang netizen tungkol sa umano’y love life ng aktor na si Enrique Gil. 

Detalyadong ikinuwento ng netizen kung paano umano nagsimula ang relasyon nito sa rumored girlfriend niyang si Andrea Brown.

Ayon sa netizen na may account name na Bea, unang nakita raw ni Enrique si Andrea sa TikTok (TT) noong June 2025 at agad umano itong na-attract sa dalaga.

Ikinuwento rin ng netizen na madalas umanong magkasama sina Enrique at Andrea noon at palaging namamasyal sa lugar ng dalaga. 

Dagdag pa nito, naging malapit umano si Enrique hindi lamang kay Andrea kundi maging sa pamilya nito.

Sey ng isang netizen, “Quen considers AB his greatest love, someone he didn’t have to pretend with or hide who he truly was. He called her his female version of himself. He said he had never felt this way in past relationships, even with his ex, Liza, and that he sees himself settling down with her.”

Ayon pa sa netizen, nais umano ni Enrique na patirahin si Andrea sa kanyang bahay habang abala siya sa paggawa ng serye at iba pang proyekto noon.

Tsika pa, “Quen asked her to move in with him. It would be easier while he was filming last year and preparing for his new series, the one currently airing. At the time, he also asked AB to continue her studies from his home and made special arrangements with her previous school.”

Gayunman, hindi umano natuloy ang plano dahil naging kontrobersiyal daw si Andrea sa kanyang eskuwelahan.

Kuwento pa, “Even before meeting Quen, she was already the subject of multiple scandals. Quen’s mother initially opposed the relationship but eventually accepted her for Quen’s sake.”

Lumipat din umano si Andrea sa isang school malapit sa bahay ni Enrique sa Parañaque at ang aktor din daw ang sumasagot sa tuition fees nito. 

May balita ring nais sanang isama ni Enrique si Andrea sa bago niyang serye, ngunit hindi ito natuloy.

Dagdag pa, “However, his business partners opposed the idea, warning it could be career suicide. He had planned to build her into a superstar through his projects and alongside his career.

“But it was later deferred because things did not go as planned and both of them came under public scrutiny. Still, he plans to make her a superstar. He also promised that she was the only one he would love and that he would eventually marry her, just waiting for the right timing.”

Sa ngayon, wala pang pahayag si Enrique Gil tungkol sa mga kumakalat na alegasyon. Bukas ang aming pahina para sa kanyang panig.

---

Mister, napatalon sa saya… 

BOY ANG FIRST BABY NINA KIRAY AT STEPHAN

BOY ang first baby ng comedienne-entrepreneur na si Kiray Celis at ng mister niyang si Stephan Estopia.

Ibinahagi ng mag-asawa ang kanilang gender reveal sa pamamagitan ng isang video na in-upload ni Kiray sa Instagram (IG). 

Caption ni Kiray: “Napatalon sa saya ‘yung daddy @stephan.estopia eh! Ano kaya’ng gender ni Baby Estopia? Hihihihi!”

Makikitang lumabas ang asul na usok bilang senyales na lalaki ang kanilang magiging anak.

Well, marami namang bumati kina Kiray at Stephan mula sa kanilang pamilya at mga celebrity friends.

Ayon sa kapatid ni Kiray na si Jhopay Celis, “Excited na akong bantayan ang pamangkin ko.”

Nagkomento rin si Lovi Poe ng “Abangers! (excited na naghihintay),” habang heart emojis naman ang iniwan ni Winwyn Marquez.

Dinaluhan ng kanilang pamilya at malalapit na kaibigan ang nasabing gender reveal celebration.

Congratulations sa mag-asawang Kiray at Stephan!