Markado sa pagiging salbahe… MGA BAGUHANG ARTISTA, ILAG KAY GLADYS

ni Erlinda Rapadas @Teka Nga | Feb. 5, 2025

Photo: Gladys Reyes - IG

Markado ang pagiging kontrabida ni Gladys Reyes simula nang pasukin niya ang showbiz. 

Sa lahat halos ng nilalabasan niyang serye ay salbahe ang kanyang role, kaya ito ang tumatak na image niya sa publiko. Kaya, medyo ilag sa kanya ang mga baguhang artista. 

Pero, bentahe kay Gladys ang kanyang ‘bad girl’ image dahil hindi siya nawawalan ng projects. Nakapag-guest pa nga siya sa ibang TV shows tulad ng It’s Showtime (IS). 

Sobra namang natuwa si Gladys dahil bibida na rin siya sa bagong serye ng GMA-7, ang Cruz vs. Cruz (CVC), kasama si Vina Morales. 

Excited si Gladys na makatrabaho si Vina dahil magkasama sila noon sa That’s Entertainment (TE) at pareho silang member ng Thursday group. 

Well, sa dami ng artista ngayon, isa rin si Gladys Reyes sa mga hindi nababakante at hindi nawawalan ng shows. Bukod kasi sa professional siya sa kanyang trabaho ay magaling din siyang makisama sa lahat. 

At kahit super busy siya sa kanyang career, may time pa rin si Gladys na tumulong sa kanilang resto business, ang That’s Diner na dinarayo dahil sa masasarap na version ng kanilang bulalo. 

---

Hindi pa rin pala naibebenta ni Cesar Montano ang kanyang farm sa Zambales na 20 hectares ang laki. Nalaman namin ito sa isang reliable source dahil until now, for sale pa rin daw ang farm.

For sure, mabibigyan din naman ng parte ang tatlong anak nila ni Sunshine Cruz sakaling maibenta na ang farm. 

Naging masinop si Montano sa kanyang mga kinita sa showbiz noong kanyang kasikatan, kaya siya nakapagpundar ng mga properties at nakapag-invest sa mga negosyo. 

Madiskarte rin sa buhay si Cesar at hindi niya naging bisyo ang pagsusugal. Hindi siya maluho at hindi nangolekta ng mga luxury cars. 

Sa real estate siya nag-invest, kaya secured na ang future ng kanilang pamilya. Kaya kahit wala siyang TV shows at pelikula ngayon, secured na ang kinabukasan ng kanyang mga anak at natulungan ang kanyang mga kapatid.

---

ISA sa matatagumpay na negosyante ang aktres na si Isabel Rivas. 

Lumalabas-labas pa rin naman siya sa telebisyon kapag may offer at gusto niya ang project, pero, at this point of her life, nasanay na siya sa tahimik at stress-free na buhay. 

At kahit na ina-advise ng kanyang mga kaibigan na muli siyang umibig at magkaroon ng love life upang may makasama sa buhay, hindi ito sineseryoso ni Isabel.

May anak naman siya at may dalawang apo at nalilibang sa pag-aasikaso ng kanyang malawak na farm sa Zambales. 

Bukod sa mga fruit-bearing trees, may poultry, piggery at fishpond sa farm ni Isabel. Ito ang kanyang source of income, kaya financially stable na siya ngayon at afford nang mabuhay nang marangya kahit bihirang lumabas sa telebisyon at pelikula. 

Nae-enjoy niya ang buhay na malaya, kaya ayaw na niyang magkaroon pa ng karelasyon. 

Well, may mga loyal at trusted friends naman si Isabel tulad nina Lorna Tolentino, Amy Austria, Azenith Briones atbp. na laging nakasuporta sa kanya. Sapat na iyon kaya wala na sa plano ni Isabel Rivas ang magkaroon ng love life at mag-asawa pa.