MARIS, INE-ENJOY LANG SI RICO, AYAW MAGPAKASAL

ni Julie Bonifacio @Winner | April 20, 2023

Aminado si Maris Racal na hindi pa siya handang magpakasal sa boyfriend niyang singer na si Rico Blanco.

Feeling kasi ng ibang showbiz kibitzers ay sina Maris at Rico na ang susunod na ikakasal na showbiz couple.

Tulad na lang this year, balitang-balita na may dalawang celebrity couples ang ikakasal.

“Ay, naku po. Hindi,” bulalas ni Maris nu’ng makausap namin siya sa red carpet ng 1st Summer MMFF awards night.

“May asaran between family and friends. But alam naman namin na hindi pa ako ready. Naka-focus muna ako sa work.”

Career daw muna ang tatrabahuhin niya. Although, inamin ni Maris na napag-uusapan na nila ni Rico ang tungkol sa kasal.

“Well, ako kasi, hindi po ako nagpa-partner kung hindi ako sure sa kanya.

“So, definitely, may mga ganoong talks na ano'ng gusto ko in the future, kelan, ganyan. But hindi kami super focus doon.”

Two years na ang relasyon nina Maris at Rico, habang 25 years naman ang agwat ng kanilang mga edad. Kaya, mas nasa marrying age na talaga si Rico kesa kay Maris.

“Actually, si Rico, hindi naman siya nampe-pressure. Hindi ko nararamdaman sa kanya 'yun.

Parang hindi naman niya sinasabi. Hindi naman siya nagbibigay ng hint na gusto na niya,” saad ni Maris.

Pero siyempre, we’ll never know kung ano ang nasa isip ni Rico, ‘di ba? Any moment, puwede niyang sorpresahin si Maris ng wedding proposal.

Handa ba si Maris kung sakaling sorpresahin siya ni Rico?

“Eh, di surprise. Hahaha!”

At what age niya feel magpakasal?

“Siguro I'll give it, wait, I love my career kasi. Gusto kong magtrabaho nang magtrabaho. So, gusto ko munang mag-focus sa career and wala 'yung head space ko ru'n. Ayokong magsabi ng date. Uh, 20 years,” kasunod ang malakas na tawa ni Maris.

'Di naman nagdamot si Maris na i-share sa amin ang kanyang dream wedding.

“Hindi naman siguro sa beach,” sabi niya. “Siguro, gusto ko 'yung wedding mismo sa San Agustin Church. Sa Manila, sa church talaga.

“Pero sa reception, sabi nga ni Blesilda (character niya sa Here Comes the Groom), 'Ang wedding sa church. Ang reception, dagat.'"

Sobrang nagandahan si Maris sa San Agustin Church nu’ng mag-shoot siya ng isang proyekto sa naturang simbahan.

“First time ko kasi ru'n. Laking-Davao po kasi ako. So, hindi pa ako nakakita ng ganu'ng church. Nu'ng first time kong makita 'yun, sobrang manghang-mangha ako.

“This was probably in 2016, 2015. Parang ang ganda lang. Parang at the moment (lang)…

ngayon. Hindi pa naman ako nagpa-finalize (na du'n na ang wedding nila ni Rico). Pero teka lang,” tawa ulit ni Maris.

Hindi pa raw alam ni Rico ang tungkol sa kanyang dream wedding.

Sa palagay niya, ano ang mga dahilan kaya umabot sila ng dalawang taon ni Rico?

“Ang dami po namin kasing things in common, and marami kaming napag-uusapan like music and plans sa life. And sa relationship namin, it's not just about love and all, but we also talk about the future, future plans and especially, my career. And he likes to support me and give me insights on what to do,” paliwanag niya.

Nasa San Juan, La Union daw si Rico that night at naka-focus sa itinatayo nitong hotel and food mart doon.