Marcial, simula na sa U.S. ang Training; Ramirez sa TOPS

ni MC - @Sports | January 20, 2022

Dumating na sa Estados Unidos si Filipino boxer Eumir Felix Marcial kung saan niya sisimulan ang preparasyon para sa ikalawang laban niya bilang professional boxer.

Martes ng umaga nang dumating sa U.S. ang Tokyo Olympics bronze medalist para sa kanyang training camp sa unang Linggo ng Abril.

Tinapos muna ni Marcial ang personal na mga bagay maging ang pagpapakasal sa misis niyang si Princess bago haharapin ang karera sa boksing. "Finally, I can now fully focus on my training," saad ni Marcial. "I was told to prepare for a scheduled outing. "I need to be in excellent shape because I want to get back in the ring soon and also make myself available for the national team by May."

Samantala, bubuksan ngayong simula ng 2022 sa Tabloids Organization in Philippine Sports, Inc. (TOPS) ang weekly Usapang Sports online forum ngayong Huwebes ng umaga January 20 ni Philippine Sports Commission (PSC) chairman William “Butch” Ramirez bilang special guest. Inaasahang tatalakayin ni Ramirez ang hinggil sa paghahanda ng Philippine team para sa Southeast Asian Games sa Vietnam sa Mayo 12-23 maging ang Asian Games sa China sa September 10-25 ngayong taon sa gitna ng tumataas pa ring bilang ng mga kaso ng Covid-19 sa bansa.

Pangungunahan din ng PSC chief ang panunumpa sa tungkulin ng mga bagong batch ng TOPS officers na sina president Maribeth Repizo-Marana ng Pilipino Star Ngayon. Ang iba pang newly elected officers ay sina Dennis Eroa ng Sports Bytes (VP-Internal), Rico Navarro ng Remate (VP-External), Frederick Nasiad ng Manila Times (Auditor), Nympha-Miano Ang ng Bulgar (Treasurer) at Edwin Rollon ng PILIPINO Mirror (Secretary). Ang Usapang Sports ay livestreamed simula ng 10 a.m. sa official Facebook page ng TOPS

(https://www.facebook.com/TOPSPHL). Suportado ito ng Philippine Sports Commission, Games and Amusements Board (GAB) at ng Philippine Amusement and Gaming Corporation (PAGCOR). Ang TOPS ay binubuo ng tabloid journalists at online writers na kumokober sa sports beat.