Marc Logan, tawid-TV5 na

ni Angela Fernando - Trainee @News | March 18, 2024

Pumirma na ng kontrata ang sikat na broadcaster na si Marc Logan sa TV5 kamakailan at kasama ang top executives ng network sa mga dumalo sa nasabing event.

Mapapanood na simula sa Abril 6 ang show ng mamamahayag na 'Top 5 Mga Kwentong Marc Logan.'

Kilala at minahal ng mga tao si Logan dahil sa natatangi nitong talento sa pagpapatawa at nangako naman itong maghahatid sa madla ng isang programang makakapag-alis ng pagod at problema.

Sa nasabing show ibibida ang mga kakaibang kwento ng mga tao, lugar at pangyayari na magdadala ng katatawanan, aliw, at kakaibang pagbabahagi ng kuwento ni Marc Logan.

May tatlong special segments din ang show tulad ng: “Taba ng U-Talk”, ManOpet!, at Pakitalk-kitalk.

Siguradong mapupukaw ng batikang broadcaster ang atensyon at puso ng mga manonood dahil makakaasa ang taumbayang katatawanan ang hatid ng show nito sa bawat episode.