Maraming pulis ang nadale ng COVID-19, pasaway pa more!

ni Ka Ambo - @Bistado | January 11, 2021

Bubuhayin ang Cha-Cha.

Talagang wala silang magawa sa buhay.

Lintek!

◘◘◘

Limang trilyong piso ang badyet sa 2022.

Pambili ng boto.

Ha-ha-ha!

◘◘◘

Pinakyaw ng Europe at America ang COVID-19 vaccines.

Dati nang mga gahaman at sakim ang mga 'yan!

◘◘◘

Sa takbo ng mga ulat, tatanghod ang mga Pinoy habang may mass vaccination sa buong mundo.

Isang mapait at malungkot na senaryo!

◘◘◘

Dumarami na ang may sakit sa puso at namamatay nang biglaan.

Mas grabe ang stress kaysa COVID-19!

◘◘◘

Pinagagrabe ang epidemya ng stress ng mismong media at propaganda ng gobyerno.

Walang saykologo at saykayatrist ang gobyerno na ikinakalat sa mga barangay.

Bakit?

Sapagkat sila ay under-stress, walang kakayahang magdesisyon nang tumpak para sa nakararami!

◘◘◘

Mass promotion ang diskarte sa public at private school.

Nahihirapan ang mga estudyante at guro sa online class.

Ang mga may-ari ng private school—nagpapasasa sa matrikulang hindi ginamitan ng school facilities at personnel.

◘◘◘

Maraming opisina ng gobyerno ay wala ring trabaho—pero tuloy ang suweldo ng mga palpak na ehekutibo.

Kaawa-awa ang taumbayan na nakatanghod at namamatay isa-isa sa stress.

◘◘◘

Marami pulis ang may COVID-19.

Hindi kasi sila sumusunod sa protocol.

Hindi ba?

◘◘◘

Kakaunti na rin ang krimen at kriminal.

Naubos na sila ng COVID-19!

◘◘◘

Kakaunti na rin ang dumaranas ng ibayong hirap.

Nangamatay na sila sa nagdaang 10 buwan nang walang “kalaban-laban” at hindi napapansin ng panic na pamahalaan!

◘◘◘

Bagumbago na ang buong henerasyon sa taong 2021.

Lalong bagumbago na ang mundo sa 2022!