Maraming Pinoy, ayaw magpatiuna sa bakuna kontra COVID-19, takot ma-‘Dengavaxia!

ni Ka Ambo - @Bistado | December 17, 2020

May COVID vaccine na raw sa Enero sa Pilipinas?

Huh, ‘yung mga bilyunaryo papayag bang hindi mabakunahan kasabay ng mga Kano, Briton at Canadian?

◘◘◘

Pero 30 porsiyento ng mga Pinoy ay ayaw ma-‘Dengvaxia’.

Ibig sabihin, ayaw nilang magpatiuna, baka madale ng side-effects!

◘◘◘

May nakita raw sapat na ebidensiya ng International Criminal Court na nagdidiin kay P-Digong sa paglabag sa human rights.

Eh, sino ang mag-i-implement?

Ang CPP-NPA-NDF ba?

◘◘◘

Nakakuha na ng “lupa” pabalik sa earth ang Hayabusa spacecraft ng Japan mula sa asteroid.

Klap-klap-klap!

◘◘◘

Ibinalita ng Japan na may mga organic soil ang lupa mula sa asteroid.

Huh, matutuwa ang mga plantito’t plantita!

◘◘◘

Opisyal nang idineklara ng electoral college si Joe Biden bilang nanalong pangulo laban kay Donald Trump.

Ganyan kabagal ang proseso ng eleksiyon sa Amerika!

◘◘◘

Inaasahan sasampahan ng katakut-takot na kaso si Trump sa susunod na taon.

Nai-export na ng Pinoy sa US ang pagiging benggador!

◘◘◘

Abala na ang ilang pulitiko sa pagpasyal sa mga lalawigan kahit may COVID.

Mabibisto mo kung sinu-sino ang nagkamal ng salapi sa panahon ng krisis!

◘◘◘

Wala nang bagyo ngayon Disyembre.

Salamat kay Lord!

◘◘◘

Sa pangungulit, maaaring makarating na sa Pilipinas ang COVID vaccine sa unang tatlong buwan ng taon.

Siyempre, marami ring bilyunaryong Pinoy!

◘◘◘

Magkaroon na ng dry run ang face-to-face class.

Linsiyak, praktis ‘yan kay Kamatayan!

◘◘◘

Online na rin ang Metro Manila Film Festival.

Puwedeng manood sa mga bahay at hotel exclusively!