ni Janiz Navida - @Showbiz Special | December 2, 2022
Ang sipag-sipag talaga ng mag-asawang Neri Naig at Chito Miranda kaya kesehodang nagkaroon ng COVID pandemic, parang 'di naman sila affected much.
We learned from our dear bossing dito sa BULGAR na si Sir Ryan Sison na sumosyo pala sina Chito at Neri sa second branch ng resto business niyang Mang Jose Lechon and Inasal na located sa Sky Ranch Tagaytay.
Nag-soft opening ang Mang Jose Lechon and Inasal nu'ng November 30 at present nga si Chito pati ang iba pa nilang business partners.
Swak ang name ng resto na Mang Jose dahil isa 'yun sa mga sikat na kanta ng Parokya ni Edgar kung saan vocalist nga si Chito Miranda.
Pinoy na Pinoy ang mga pagkain sa Mang Jose tulad ng chicken inasal, lechon baka, beef pares, chicken sisig, bulalo, etc. na may unlimited rice and free sinigang soup pa!
Oh, sa'n ka pa, devah? No wonder na napapayag si Chito na sumosyo sa negosyo.
Ang first branch pala ng Mang Jose ay sa Mahogany Avenue sa Alfonso, Cavite at soon, mag-o-open na rin daw ng 3rd branch sa La Union.
Huwoooow! Sana all may negosyo at 'di puro lafang na lang ng chicken inasal! Char-char-char!!!