Manager ng 10 taon, kabisado na… IBINULGAR NI YASMIEN: LOLIT, NANGHAHARBAT NG CELLPHONE AT IPAD PARA IBIGAY SA IBA

ni Vinia Vivar @Frankly Speaking | July 5, 2025

Photo: akosilolitsolis - IG

Labis na nagdadalamhati ang mga naiwang alagang celebrities ng pumanaw na talent manager, TV host, at veteran entertainment columnist na si Lolit Solis.

Sumakabilang-buhay si ‘Nay/Manay Lolit (tawag sa kanya sa showbiz) nu’ng Huwebes, July 3, base na rin sa announcement na isinagawa ng kanyang pamilya kahapon, Biyernes.

Sa kani-kanilang social media pages ay nagpahayag ng kani-kanilang tribute ang mga alagang artista ni ‘Nay Lolit. 

Bukod sa mensahe ni dating Sen. Bong Revilla ay nagpahayag din ang misis niyang si Congw. Lani Mercado ng kanyang mensahe ng pamamaalam.

“It is now time to rest, ‘Nay. Ito ang hiling mo na paulit-ulit mong sinasabi, na you are ready to die. Sa iyong pagpanaw, malaking bahagi sa aming buhay ang nawala. Hindi lang kami nawalan ng ninang, manager, at adviser, nawalan kami ng Nanay. Nawalan ako ng sumbungan at confidant. I will really miss you, Nanay. May you rest in peace… Mahal ka naming lahat,” saad ni Lani.

“Rest in Peace, Nanay Lolit Solis. Salamat sa lahat ng pagmamahal at pagsuporta mo sa aming buong pamilya lalo na kay Papa. Salamat sa pag-aalaga mo sa akin noong ikaw ay tumayo bilang aking manager noong ako ay artista pa,” saad naman ng dating aktor na si Jolo Revilla.

Ginunita rin ni Yasmien Kurdi ang kanilang pinagsamahan ni ‘Nay Lolit at nagpahayag

ng pagdadalamhati sa pagyao ng manager.

“I woke up today with a heavy heart, overwhelmed by the shocking news that Nanay Lolit Solis has passed away. For 10 wonderful years, she was more than just my manager, she was like a second Nanay to me. The memories we shared are filled with color, laughter, and love.

“Even after I married and had children, she never forgot to check on me, always showing her genuine care. I will forever cherish how her van smelled like food because it was like a moving kitchen full of desserts and snacks, a symbol of her warmth and generosity.

“Whenever we traveled out of the country, she made it a point to be my roommate. Even though I was the youngest, she always made me feel loved and protected. Our room was always filled with bread, simple but meaningful moments that made us closer.

“I also vividly remember how anxious she was during our out-of-town bonding with her alagas abroad. I made a mistake by leaving to find a cart for our luggage without asking permission, and she was so mad. I heard hurtful words she threw my way in front of everyone, and I felt so embarrassed and cried. But looking back, I realize that was her way of caring, her way of speaking pranks and teasing, which sometimes felt harsh, but was always rooted in her love.

“Nanay Lolit had a special fondness for getting “harbat” or little gifts from people. But those gifts didn’t go to her; instead, she would give them to someone else, someone who couldn’t afford to buy a new cell phone, an iPad, or other things. That was her way of sharing her blessings and caring for others, even in simple ways.

“She had a heart of stone at times, but beneath it was a love so genuine and deep. She cared in her own unique way, and her presence left an indelible mark on my life and the lives of everyone she touched.

“Thank you, Nanay Lolit, for all the love, guidance, and beautiful memories. You will forever hold a special place in my heart. My family and I love you so much. Rest peacefully, and may you find the eternal happiness you deserve,” ang mahabang pag-aalay ng respeto at pagpupugay ni Yasmien kay ‘Nay Lolit Solis.

---

Laglag man sa Big 4 ng PBB, winner pa rin..

DUSTIN AT BIANCA, PINAGAWAN NG MGA FANS NG BILLBOARDS

AMINADO ang duo na sina Dustin Yu at Bianca de Vera na may panghihinayang sila na hindi napasama sa ‘Big 4’ ng Pinoy Big Brother (PBB) Celebrity Collab Edition, pero wala naman daw silang pagsisisi.

Ang dalawa ang pinakahuling evictees sa nasabing reality show at muntik na sana silang mapasali sa ‘Big 4’.

Sa panayam kina Dustin at Bianca sa Fast Talk with Boy Abunda (FTWBA), tinanong ni King of Talk Boy Abunda kung gaano kasakit para sa kanila na isang tumbling na lang sana ay mapapasama na sila sa Big 4.

“Grabe, Tito Boy, we were so ready to make it to the ‘Big Four’, kaya lang, things really do happen for a reason,” sey ni Bianca.

“Ang masasabi ko po is that may panghihinayang po kami but we have no regrets at all kasi alam po namin na ibinigay namin ‘yung best namin and may mga bagay-bagay lang talaga na hanggang doon na lang talaga. I mean, our journey had to end there and we fully accept that and it is okay,” dagdag pa niya.

When asked how they are coping, sey ni Bianca, “We’re getting there, Tito Boy. We’re processing pa. I mean, we haven’t fully grounded ourselves or haven’t connected fully to the outside world yet, baby steps. Ayaw po namin siguro talagang biglain din ‘yung utak namin and ourselves basically. We’re okay, we’re stable.”

Sobrang thankful naman ng DusBi sa napakarami nilang supporters na nagpalagay pa ng billboard nila sa Times Square, New York; Seoul in South Korea; sa Davao, Guadalupe, at Ortigas.

“Ako po, Tito Boy, never ko talaga s’ya na-imagine sa life ko and nu’ng nalaman ko s’ya, at first, akala ko edited lang, eh. But then, nu’ng dumaan na ako sa EDSA, grabe, nu’ng nakita ko, grabe, nakaka-proud at super nakakataba ng puso talaga, Tito Boy. Sobrang naramdaman namin ‘yung love talaga ng mga tao sa labas,” reaksiyon ni Dustin.

Hindi rin makapaniwala si Bianca na marami palang nagmamahal sa kanila since hindi nga nila nalalaman ang nangyayari sa outside world habang nasa PBB house sila.

“Nakakawala po talaga ng pagod. I mean, we’ve been inside the house for more than a hundred days and parang akala nga po namin inside the house na wala pong nagmamahal sa amin, but when we came out of the house, we were welcomed with such warm, beautiful people.

“So, du’n pa lang, kahit natalo kami sa task, sa challenge, du’n pa lang, pakiramdam po namin, panalo na po kami,” ani Bianca de Vera.