Malupit daw kasi ang mundo… MARKUS, UMAMING NATAKOT SILA NI JANELLA KAYA ITINAGO ANG PAGBUBUNTIS

ni Vinia Vivar - @Frankly Speaking | January 7, 2021

Matapos ang pag-amin sa buong mundo last Tuesday nina Markus Paterson at Janella Salvador na may baby na sila, humarap ang young actor kahapon sa online show na We Rise Together at dito ay nagbigay din siya ng pahayag ngayong isa na siyang ganap na ama.

Natanong si Markus ng host na si DJ Jai Ho kung bakit sila nagdesisyong ilabas na sa mundo si Baby Jude (name ng kanilang baby), at ayon sa aktor ay natakot din sila at first about it.

“Well, alam namin na one day, we are going to release him to the world na sobrang natakot kami nu'ng una because we knew that the world is very harsh and right now isn't the best environment.

“Well, now it is. Kaya nga inilabas namin. Pero noong una, talagang we want to shield him from everything and keep everything as quiet as possible.

"So, unang-una sa lahat, shout-out sa lahat ng close friends and family namin that kept the secret with us. That helped us throughout the journey. Pero ayun, he’s out, he is happy, he is growing, he's fat and we are happy. And everything is beautiful,” sabi ni Markus.

Needless to say, sobrang happy ng aktor na isa na siyang ama ngayon.

“I know it's such a beautiful way to start the year for me and for everybody else and we thought na 2021, fresh page na, parang let's just leave everything out there,” he said.

He recalled that magical moment the first time na una niyang nakita ang baby. Hindi raw niya ma-explain ang kanyang nararamdaman.

“The moment na I saw him, parang a whole wave just kind of took over my body na lahat ng priorities ko nu'ng time na ‘yun, nawala, like it went out of the window, like everything is now for him, everything. Forever will be for this little man that I'm holding in my arms.

“And hindi ako naiyak, hindi ako natawa, parang nakatulala lang ako, nakatitig sa kanya for hours. And until now, his smiles are the most beautiful thing in the world and lahat ng hirap, lahat ng early morning wake up, sobrang worth it kapag nakita ko ang mukha niya. It's all about him na. It's crazy," he said.

Sobrang ikinatuwa rin ni Markus ang napakagandang feedback ng mga tao sa baby and the warm welcome.

"Thank you to everyone who watched the video and joined our journey. Thank you for getting to know Jude, thank you for loving him. Also thank you for the understanding.

“Grabe, hindi talaga namin in-expect 'yung reaction na 'yun but I guess it really was the perfect time, na matagal na ring nakaplano. We're just happy na maganda 'yung video, maganda 'yung introduction. I can't wait for Jude to watch it and appreciate it,” pahayag pa ni Markus.