Malaking kasiraan sa Duterte gov’t ang pagiging PNP chief ni Gen. Sinas, tsk!

ni Pablo Hernandez III - @Prangkahan | November 11, 2020

BATIKOS ANG INABOT NI P-DUTERTE SA PAGTALAGA SA “MANYANITA GENERAL” BILANG BAGONG PNP CHIEF—Pinutakti ng batikos si P-Duterte sa pagkakatalaga niya kay NCRPO Director, Gen. Debold Sinas bilang bagong PNP chief kapalit ng nagretirong si Gen. Camilo Cascolan.

Mababatikos talaga kasi sa dami ng police general, eh, ‘yung tinaguriang “manyanita general” pa ang napiling chief PNP, boom!

◘◘◘

P-DUTERTE, BINATI AGAD SI BIDEN—Binati agad ni P-Duterte si U.S. President-elect Joe Biden, matapos masungkit ang landslide victory nito laban kay incumbent Pres. Donald Trump.

Biglang bumalimbing si P-Duterte kasi noong March 10, 2020 o walong buwan bago ang halalan sa Amerika ay nanawagan siya sa mga Pinoy sa U.S. na si Trump ang iboto, pero nang manalo si Biden, agad niya itong kinungatulate, boom!

◘◘◘

NGAYON NAPAGTANTO NI TRUMP NA PEKE ANG PAKIKIPAG-“FRIEND” SA KANYA NI P-DUTERTE—Ang pag-congratulate ni P-Duterte kay Biden ay tiyak nakarating na sa kaalaman ni Trump.

Siguro, ngayon ay napagtanto ni Trump na peke ang “pakikipagkaibigan” sa kanya ni P-Duterte kasi binati na ng Philippine president ang pagkapanalo ni Biden kahit na pinuprotesta pa ng outgoing US president ang pagkapanalo ng incoming US president, period!

◘◘◘

KONGRESO LANTARANG MAGPAPAKATUTA NA KAY P-DUTERTE?—Maraming napataas ang kilay nang manumpa si Speaker Lord Allan Velasco kay P-Duterte bilang bagong head ng Kongreso.

Magkahiwalay ang power ng executive branch na pinamumunuan ni P-Duterte at Kamara na parte ng legislative branch na pinamumunuan ni Velasco kaya’t ang ginawang panunumpa ng speaker sa pangulo ay mali!

Dahil sa ginawang ‘yan ni Velasco, parang ipinakita na rin niya sa publiko na magpapakatuta ang Kongreso kay P-Duterte, buwisit!