Malakas ang bulung-bulungan sa Marcos-Duterte tandem, abangan!

ni Ka Ambo - @Bistado | July 27, 2021

SUMIKAT ang araw nang mag-SONA si P-Digong.

Nakisama ang langit!

◘◘◘

HINDI na mapigil ang pagdami ng tinatamaan ng Delta variant.

Kailangang sumaklolo na ang Delta Force!

◘◘◘

MAY nagtangka patalsikin si Sen. Vicente “Tito” Sotto III bilang Senate President.

Walang kinalaman si Vice Ganda!

◘◘◘

MARAMI ang nagsasabing perfect tandem ang Isko Moreno-Manny Pacquiao sa 2022.

Akronym?

IskoMa o MorPac!

◘◘◘

INAASAHAN ang first Olympic gold mula sa boxing.

May pakiramdam tayong madadale na ‘yan ngayong Agosto!

◘◘◘

MALAKAS ang bulung-bulungan sa Marcos-Duterte tandem.

‘Yan ang malakas!

◘◘◘

POSIBLENG makalaban nila ang Mayor Isko-Pacquiao; at Ping Lacson-Tito Sotto.

Wala pang linaw ang kampo ni VP Leni at ex-Speaker Alan Peter Cayetano!

◘◘◘

KUNG titignan, tipong desidido bilang third force ang Lacson-Sotto.

Pero, bakit nauna pa ang third force sa first at second force.

Bakit?

◘◘◘

DIRETSO lang ang pagbagsak ng ekonomiya ng Pilipinas.

Bakit walang daily update sa economic crisis ang Department of Finance at DTI?

◘◘◘

WALA ring inilalabas na updates ang Comelec hinggil sa on-going voter’s registration.

Dapat may regular ding datos na inilalabas ang Comelec tulad ng DOH kaugnay sa COVID data!

◘◘◘

WALA sa maayos na diskarte ang gobyerno kaugnay sa epektibong paglalabas ng impormasyon.

Hindi ginagamit ng gobyerno ang teknolohiya kaugnay dito!

◘◘◘

ISANG dahilan dito ay dahil matatanda ang may hawak ng gobyerno imbes na kabataan.

Dapat ipaubaya sa kabataan ang pamamalakad sa pamahalaan!