Mahigit 7 milyon doses na ang naibakuna sa ‘Pinas, huwaaaw!

ni Ka Ambo - @Bistado | June 16, 2021

Mag-donate ang Japan ng AstraZeneca vaccine na “Made in Japan”.

Arigatou gozaimasu!

◘◘◘

UMABOT na sa higit 7 milyon doses ang naibakuna sa ‘Pinas.

Klap-klap-klap!

◘◘◘

TANGING sina VP Leni at ex-Sen. Antonio Trillanes ang hindi tumanggi sa nominasyon ng 1Sambayan.

‘Yan ang tandem ng LP!

◘◘◘

TEKA, hindi ba’t Nacionalista Party (NP) ang Partido ni Trillanes.

Paki-explain, Manny Villar!

◘◘◘

MAINIT na ang maniobra sa presidential race.

Pero, wala pang nagdedeklarang main protagonist!

◘◘◘

GINEGEKGEK ang proseso ng eleksiyon.

Walang nagdedeklara, pero nangangampanya na.

Inutil ang Comelec!

◘◘◘

MARAMING patayan ang nagaganap dahil sa eleksiyon.

Pero, idinidikit kuno ang kaso sa droga at komunismo.

Lumang tugtugin!

◘◘◘

MATATAPOS na ang ilang COVID facilities.

Ito ay preparasyon sa “4th wave”!

◘◘◘

PUWEDE nang mag-gym sa GCQ with some restrictions.

Yipeee!

◘◘◘

LUMIPAT na ang COVID sa mga lalawigan.

Sila naman ang pinagkikitaan gamit ang kaduda-dudang RT-PCR test sa mga ospital!

◘◘◘

BAKIT hindi ipinaliliwanag ng DOH kung paano ina-authenticate, ibina-validate at ina-audit ang “data” na inilalabas araw-araw kaugnay sa COVID updates.

Mahalaga ang kredibilidad ng “datos” upang makumbinse ang mga tao na magpabakuna!

◘◘◘

BAGSAK pa rin ang ekonomiya.

Marami pa rin ang nagsasaradong negosyo!

◘◘◘

NAGBABALIK na sa Metro Manila ang mga obrero para maghanap ng trabaho.

Magiging siyudad ito ng mga tambay!