Magtotobetsky at Robin Hood, kampihan sa Turf

ni Green Lantern @Renda at Latigo | January 29, 2023

Magkakampihan sina Magtotobetsky at Robin Hood para masungkit ang panalo sa magaganap na Condition race ngayong araw sa Metro Turf, Malvar - Tanauan City sa Batangas.

Gagabayan nina Andreu Villegas at Ryan Roy Garcia sina Magtotobetsky at Robin Hood ayon sa pagkakasunod kung saan ay puntirya nilang masikwat ang P10,000 added prize para sa winning horse owner.

May distansiyang 1,400 meter race, ang ibang tigasing kalahok ay sina Attractive Force, Runawayfromrosenot, Blackburd, The Accountant at Asiong.

Lamang sa laban sina Magtotobetsky at Robin Hood kaya posible silang maging outstanding favorite pag-arangkada ng karera sa unang race, ayon sa mga komento ng karerista sa social media. "Tingin ko angat sa laban sina Magtotobetsky at Robin Hood, mahirap talunin pareho kasing magaling," pahayag ni Joselito Ladiana, veteran karerista.

Inaabangan din ng mga liyamadista ang pagtakbo ni Red Queen sa PHILRACOM Rating Based Handicapping System na pakakawalan sa pangalawang karera.

Sasakyan ni jockey Pabs Cabalejo, makakalaban ni Red Queen sina Bocaue Rivertown, Chocolate Thunder, Success Of Times, Money For Gabriel, Mam Madam, Hold On, Sonic Clay at Bushido Code.

Samantala, may 10 karera ang pakakawalan ng Metro Manila Turf Club Inc. (MMTCI), lahat ay suportado ng Philippine Racing Commission, (PHILRACOM) sa pamumuno ni chairman Reli De Leon.

Mga Pili ni Green Lantern:

Race 1 - Magtotobetsky/Robin Hood (3/3A), The Accountant (5)

Race 2 - Red Queen (1), Money For Gabriel/Mam Madam (5/5A)

Race 3 - My Dear Magnolia (7), Chesapeake Bay (6), Sayaw Kikay (2)

Race 4 - Caraga Wonder (7), Step Bell (8), Giaann Tsie (4)

Race 5 - Boni Avenue (5), Yes Kitty (8), Che Che (10)

Race 6 - Huckleberry (9), Iikot Lang (4), Munich (6)

Race 7 - Wild Act (2), Rise Up (7)

Race 8 - Easy Landing (10), Double Strike (1), Color Blast (3)

Race 9 - Moderne Cong (6), Prettiest Star (%)

Race 10 - Es Oh Pee/Amor Mi Amor (3/3A), Binibini (10), Jawo (1)