Maglalaho na ang COVID-19, wala pa ring bakuna!
- BULGAR
- Feb 9, 2021
- 1 min read
ni Ka Ambo - @Bistado | February 9, 2021
Sunud-sunod na ang lindol sa Davao.
Talagang puro Davao, Davao, Davao na lang ang buhay sa ating Republika!
◘◘◘
Kinumpirma ng Congo na nagbabalik ang ebola.
Nanangkupooo!
◘◘◘
Nakatuklas na ng gamot kontra COVID ang Israel.
Para saan pa ang bakuna?
◘◘◘
Taliwas sa mga naunang ulat, bumababa na ang bilang ng tinatamaan ng COVID sa buong mundo.
As expected!
◘◘◘
Mas mauunang maglaho ang COVID-19 kaysa sa pagdating ng vaccine sa lahat ng mamamayan.
Isang malinaw na scam-scam lang talaga!
◘◘◘
Unti-unti nang nagsasarado ang mga dambuhalang negosyo.
Maging ang bangko ay natuturete na.
Wala nang tao sa mga mall.
Puro multo na lang at gagamba!
◘◘◘
Malabo pang makarekober ang ekonomiya sa susunod na anim na buwan.
Kaya mo pa ba?
◘◘◘
Itutuloy na ang Tokyo Olympics, kahit walang manonood.
Dapat lang!
◘◘◘
Asahan ang pork holidays sa Metro Manila.
Hay, salamat, hindi na kami magkaka-kolesterol!
◘◘◘
Pinabubuksan na sa turismo ang buong bansa.
Eh, bakit kay daming dokumento na hinahanap sa mga bumibiyahe?
Magkakontra ang mga kolokoy!
◘◘◘
Kapag tumodo ang krisis, kaawa-awa ang ieendorso ni P-Digong sa 2022 elections.
Magugutom ang mga botante!
◘◘◘
Ipinarerehistro na ang mga e-bike.
Panibagong mapagkakakuwartahan ng mga kotongero!
◘◘◘
Patok na patok pala ang online sabong.
Sino ang tumatabo rito?
Comments