Magkasama sa Subic… BREAKUP NILA NI GERALD, PROMO PARA SA BAGONG MOVIE NI JULIA

ni Nitz Miralles - @Bida | August 23, 2022

Fake news naman pala ang balitang break na sina Gerald Anderson at Julia Barretto dahil nakita silang magkasama last Sunday sa Subic. May mga photos na nagpapatunay na magkasama ang magsyota at may photos din si Julia kasama ang workers sa isang coffee shop sa Subic at ilang netizens na naki-join sa kodakan.

May mga naniniwala tuloy na promo ang breakup issue para sa Viva Films movie nina Julia at Carlo Aquino na Expensive Candy na showing sa mga cinemas sa September 14 sa direction ni Jason Paul Laxamana.

Yes, ang pelikula nina Julia at Carlo ang isusunod ng Viva na ipapalabas sa mga sinehan after Maid in Malacañang.

Lumabas na ang trailer ng Expensive Candy at ni-like ni Gerald ang post ni Direk Jason na photo ni Julia na naka-two-piece. Sexy movie ito at parang sex worker ang karakter ni Julia kaya madalas naka-two-piece sa mga eksena niya.

Between Julia and Gerald, ang aktor ang madalas nagkakaisyu sa ibang babae at lahat yata ng nakakapareha nito ay nali-link sa kanya. Ginawan nga sila ng isyu ni Kylie Padilla na alam mo namang hindi totoo.