ni Erlinda Rapadas @Teka Nga | May 2, 2024
WALA pang pag-amin mula sa kampo ni Ria Atayde tungkol sa nababalitang pagbubuntis niya. May tsika ang ilang netizens na 3 months preggy na si Ria nang sila ay magpakasal ni Zanjoe Marudo, pero hindi nila kinumpirma sa publiko dahil ayaw nilang pagpiyestahan sa social media.
Pero, ang pinaka-exciting news na inaabangan ng lahat ay ang diumano’y pagbubuntis ni Maine Mendoza.
Madalas biruin si Maine ni Joey de Leon sa Eat… Bulaga! at pinag-iingat sa paggalaw dahil minsan ay nag-i-split pa si Maine ‘pag sumasayaw.
Well, maaaring may sariling dahilan sina Ria Atayde at Maine Mendoza kung bakit ayaw pa nilang aminin ang kanilang pagbubuntis.
Ganunpaman, tiyak na doble ang saya ni Sylvia Sanchez (Ibyang) kung totoo ngang parehong buntis sina Ria at Maine.
Gustung gusto na ni Ibyang na magkaroon ng apo at may tatawag na sa kanya ng lola. At mukhang dalawa pa agad ang ibinigay sa kanyang apo, ha?!