Madatung si Mama!!! ELLEN, ‘DI HUMIHINGI NG SUSTENTO SA 2 AMA NG MGA ANAK
- BULGAR
- 1 hour ago
- 3 min read
ni Mercy Lejarde @Showbiz Talkies | December 8, 2025
Photo: File / IG _maria.elena.adarna
Wow! Bilib si yours truly sa sagot ng aktres na si Ellen Adarna sa kanyang Instagram (IG) Stories na recently featured ang ‘Ask Me Anything (AMA)’ kung saan sinasagot niya ang mga tanong ng mga netizens tungkol sa hiwalayan issue nila ng guwapong aktor na si Derek Ramsay.
Tanong ng mga netizens, “Biggest deal breaker to you in a relationship?”
Sagot ni Ellen, “Cheating. May it be emotional cheating, micro-cheating, digital infidelity, texting. No, no.”
Dagdag pa ni Ellen na idinaan sa pagkanta, “All my bags are packed. I’m ready to go.”
Tanong ng mga netizens, “How do you handle finances with your baby daddies? Like unsaon (paano) pag-divide?”
Sagot ni Ellen, “To be honest, I don’t depend. If they give, they give. If they don’t, they don’t. Simple. I don’t demand it.”
Isa pang tanong, “Do you still believe in love?”
Sagot ni Ellen, “I believe in mother’s love. A mother’s love is the highest form of love.”
Well, korek ka d’yan, Ellen Adarna. Iba talaga ang isang ina kapag nagmahal. A mother’s love is endless, selfless, and unconditional.
Boom, ganern!
Idinawit sa flood control scam…
BONG: SA HULI, ANG MGA TUNAY NA MAYSALA ANG MANANAGOT
“PLEASE pray for me and my family,” hiling ng aktor na si Sen. Bong Revilla sa kanyang Facebook (FB) page post kaugnay ng pagdawit sa kanya sa flood control projects scam.
Saad ni Sen. Bong, “Ang naratibo na pilit nilang ikinakasa laban sa akin ay hindi lamang kasinungalingan, ito’y sadyang ‘di kapani-paniwala.
“I am an easy target being used to muddle the truth, but the truth will always come out. Ginagamit ang aking pangalan para mailihis sa katotohanan — ngunit ang katotohanan kailanman ay hindi matatakpan.
“I have lived my life facing all challenges thrown my way. ‘Di ako tumakbo, ‘di ako nagtago. Hindi ako umurong noon, hindi ako uurong ngayon. At dahil ang katotohanan ay nasa aking panig, haharapin ko ito nang buong-tapang at paninindigan.
“Kasama kayo, nananalig akong sa huli, ang mga tunay na may sala ang mananagot — para sa hustisya at para sa bayan.”
Maraming netizens ang nag-alay ng panalangin para kay Sen. Bong Revilla at sa pamilya nito.
Wish lang ni yours truly na sana ay ang totoong may kasalanan sa isyu ng maanomalyang flood control project ang mademanda at hindi iyong itinuturo lang para mailihis sa katotohanan.
“TULOY lang ang laban,” ito ang pahayag ng aktres na si Rita Avila sa kanyang social media.
Nagbahagi si Rita ng kanyang baby picture at ng baby picture ng anak niya.
Kuwento ni Rita, “Anibersaryo ng kamatayan ng anak kong anghel noong December 2. Three weeks lang s’ya nabuhay, may sakit sa puso. ‘Di kinaya ang operasyon.
“Nu’ng huli ko s’yang nakita sa panaginip ay parang nasa 9–11 years old s’ya. Sana ay maulit ngayong 19 years old na s’ya.
“Sa mga magulang na may anghel na rin, naging masakit at malungkot man ay biniyayaan tayo ng anghel. Isang privilege! God bless you all. Tuloy lang ang buhay.”
Saludo si yours truly sa mga inang tulad mo, Rita. Nineteen years nang nasa heaven ang anghel mo pero siya pa rin ang nasa puso at isipan mo. Sure si yours truly love na love ka rin niya, ‘di ba naman madlang pipol?
Comments