Eman, todo-repost sa piktyur ng aktres… JILLIAN, SUPER SEXY, PINAGDUDUDAHANG RETOKADA NA
- BULGAR
- 6 minutes ago
- 3 min read
ni Nitz Miralles @Bida | December 7, 2025
Photo: IG _jillian
Kinilig na naman ang mga shippers nina Jillian Ward at Eman Bacosa Pacquiao dahil ini-repost ng huli ang reels video ng Kapuso actress na ipinakita kung gaano siya ka-sexy at kung gaano kaliit ang waistline.
May mga nagbiro pa nga na lahat ng ganda at kaseksihan ng aktres ay para lang sa kanya.
Ang ganda ng kurbada ng katawan ni Jillian at karamihan, humanga. May nanghingi pa ng tips kung paano siya pumayat at sumeksi. Hindi nga lang nawala ang mga nagduda, may nag-comment na dala raw iyon sa pagsusuot ni Jillian ng corset mula bata pa siya hanggang ngayon.
Nagkasagutan pa ang mga fans at bashers ni Jillian dahil in-insist ng fan na hindi gumamit ng corset ang aktres. Dala raw ng diet at workout ang pagpayat at pagiging sexy niya ngayon.
May nagsabi namang nagpa-tummy tuck si Jillian at retokada ang tiyan nito, bagay na kinontra ng mom ng aktres. Twenty years old pa lang daw ang anak niya, hindi pa puwedeng magpa-tummy tuck.
Sa mga nagduda naman na si Jillian ang nasa video dahil maliit daw ang hips at payat ang legs, samantalang sa personal ay bilugan ang aktres, sagot ng mom niya, “She lose weight, mahirap bang paniwalaan na may ganyan ka-sexy na katawan? But yeah, thanks sa compliment.”
Habang pinagdedebatehan pa kung si Jillian ba talaga ang nasa reels video na maliit ang waistline, ang aktres ay busy sa trabaho. Nagte-taping ito ng Never Say Die (NSD) series nila ni David Licauco at ipinasilip na nga ng GMA-7 ang ilang eksena sa action series na airing sa 2026.
ANAK ni Piolo Pascual ang role ni Ashtine Olviga sa Metro Manila Film Festival (MMFF) entry ng MQuest Ventures, Cignal at Spring Films na Manila’s Finest (MF), role na kaiinggitan ng mga baguhan. Kasi naman, bago pa lang si Ashtine, si Piolo agad ang kasama at gaganap pa niyang tatay.
Isama na rin ang iba pang cast gaya nina Enrique Gil, Ariel Rivera, Jasmine Curtis-Smith, Joey Marquez, Romnick Sarmenta, Rica Peralejo at marami pang iba.
Tapos, ang director ay si Raymond Red, tama lang na ma-overwhelmed si Ashtine.
Sa mediacon, natanong si Ashtine kung ano ang challenge sa kanya being in the movie.
“Ang challenge sa akin ay kung paano labanan ang kaba. Mabuti sina Sir Piolo, ipinaramdam sa akin na okay lang magkamali. Sobrang thankful ako sa kanila at sa support nila kahit nalilito ako minsan dahil hindi nila dinagdagan ang pressure ko. In-enjoy ko lang ang mga scenes ko.”
Matutuwa si Ashtine dahil pinuri siya nina Piolo at Enrique Gil.
Sabi nga ni Piolo, “I’m impressed dahil kahit gaano siya ka-busy, she did good.
Maganda ang ibinigay n’yang acting. She’s very eager to learn, napaka-humble at masarap kasama.”
Ganoon din ang sinabi ni Enrique Gil, eager to learn at mahusay at magaling makisama si Ashtine.
Well, magaling din daw mag-TikTok si Ashtine kaya nagpapaturo sila ni Piolo.
Sa December 25, 2025, mapapanood na si Ashtine Olviga sa kanyang first movie with Piolo Pascual bilang actor at co-producer.
Sigurado namang hindi siya pababayaan ng kanyang mga fans at susuportahan ang first MMFF movie niya.
Every year, nagpapalit, ‘di na makilala…
ARCI, AMINADONG PAIBA-IBA ANG MUKHA DAHIL SA RETOKE
Nakakatuwa ang mga netizens, hindi na nila bina-bash si Arci Muñoz sa paiba-iba nitong mukha dahil sa enhancement. Natutuwa na lang sila na makitang iba na naman ang mukha ng aktres na in fairness, hindi itinatanggi na dahil sa enhancement ang pagbabago ng kanyang hitsura.
Sa new photos ni Arci, iba na naman ang hitsura nito, kaya ang mababasang comment, “Final look na ‘yan this year, ha?” “Wala na si Arci,” “Ang layo na n’ya sa hitsura n’ya dati.”
Paulit-ulit ang ganitong comment kaya nasanay na rin siguro si Arci.
May nag-comment naman na bagay kay Arci ang bago niyang mukha, mas lalo siyang gumanda.
May nagsabi namang para na siyang Korean, para raw Chinese, at para sa iba, kamukha niya ang Thai actress na si Yaya Urassaya.
Meron namang humanga sa husay ng doctor ni Arci Muñoz. May nagtanggol din sa kanya na wala silang pakialam anuman ang gawin nito sa kanyang mukha. Her face, her money, her rules — na tama naman.