Mabuti pa sa probinsiya, wala nang facemask at face shield, sana all!

ni Ka Ambo - @Bistado | July 04, 2021

Nag-aalboroto pa rin ang Bulkang Taal.

Lagyan ng facemask ‘yan!

◘◘◘

MISTULANG nagdeklara na si Mayor Isko.

Kinabugan na ang kampo ni Inday!

◘◘◘

LUMILINAW na ang 3-corner fight.

Inday, Pacman, Yorme.

Kanino kayo?

◘◘◘

INIAALOK ni Angel Locsin ang kanyang bahay bilang evacuation center sa mga biktima ng

Bulkang Taal.

Eh, ‘yun bahay ni Mayor, puwede rin ba?

◘◘◘

KULIMLIM ang paligid.

Naibsan ang alinsangan!

◘◘◘

TAMEME na ulit si Sen. Manny Pacquiao.

Nagulantang siya sa paramdam ni Isko!

◘◘◘

WALA pang sey si VP Leni sa deklarasyon ng kampo ni Yorme.

He-he-he!

◘◘◘

SASAGIPIN daw si Pacquiao ng kampo ni ex-Sec. Pantaleon Alvarez sakaling tumalsik sa PDP-Laban.

Magkano?

◘◘◘

MALAKI ang tsansa na makuha ng Pilipinas ang kauna-unahang Olympic gold sa Tokyo ngayong Agosto.

Kakaunti kasi ang kalahok!

◘◘◘

MARAMI nang lugar sa Pilipinas na hindi na nagsusuot ng facemask ang mamamayan.

Maglibot kayo!

◘◘◘

HINDI na hinihintay ang deklarasyon ng gobyerno sa pagtatanggal ng facemask sa public places.

Kumbaga, kani-kanya na lang pakiramdam sa mga lalawigan!

◘◘◘

MALINAW na hindi pa normal ang sitwasyon sa gobyerno.

Pero ang buhay ng ordinaryong Pinoy sa malalayong lalawigan ay matagal nang normal!

◘◘◘

KAHIT wala nang virus, mahihirapan pa ring makabalik sa normal ang mga negosyong nabangkarote.

Wala kasing customer, wala ring demand!

◘◘◘

ANG Pasko at eleksiyon ay siyang magbubunsod ng normalidad, hindi ang gobyerno.

Maaaring maranasan ang pag-angat ng ekonomiya sa Disyembre 2021 hanggang Hunyo 2022.

Pustahan tayo?

◘◘◘

NAKAIMBENTO na ng gamot ang Israel kontra COVID.

‘Yan ang dapat ipamigay sa mamamayan nang libre!