Lumantad na, Isko… RAFFA, IPINOST NA ANG PICTURE NU'NG MABUNTIS NI JD

ni Nitz Miralles - @Bida | August 24, 2022

Ipinost na ni Raffa Castro ang larawan niya noong buntis pa siya kay Baby Scott, ang anak nila ni Joaquin "JD" Domagoso. Nagkaisyu pa ang caption niyang “Can’t believe this was 4 months ago and that the love of my life was inside my tummy.”

May doktorang nag-react at kinorek si Raffa na hindi sa tummy kundi sa uterus nakalagay ang baby. Tanong pa nito, hindi raw ba sinabi ng OB-Gyne ni Raffa na nasa uterus ang baby at wala sa tummy?

“It’s so weird to put uterus on a caption. I was pregnant for 9 months, you think idk (I don't know) what a uterus is? HAHAHA! Can’t a girl want a cute caption lmaooo,” sagot ni Raffa.

To the rescue ang sister at brother ni Raffa na sina Claire at Mio Castro. Ginawa pa ngang hashtag ni Claire ang #scottsnumber1fan. Sabi pa nito, “Like seriously just let people be happy without ruining the moment. Use your energy for good!!! Hindi 'yung troll ka nang troll 'pag nainggit ka.”

Ang request ngayon ng mga followers ni Raffa, i-post niya ang photos ni Baby Scott para makita nila kung tama ang sinabi ng daddy ni JD na si Isko Moreno na kamukha niya ang kanyang apo.