Luis, wa' paki mahawa, misis tinabihan pa rin… JESSY, NAGKA-COVID HABANG 5 BUWANG BUNTIS

ni Vinia Vivar - @Frankly Speaking | September 17, 2022

Nagpositibo sa COVID-19 virus ang preggy actress na si Jessy Mendiola nitong nakaraang Sept 3. Ini-reveal niya ito sa kanyang Instagram post and latest YouTube vlog.

“After almost 3 years of being so paranoid and careful… I tested positive for COVID-19 last Sept 3. I had symptoms and, for me, it was the hardest 11 days of my life. It was my first time to get infected with the virus. I never thought I would get it while 5 months (and 3 weeks) pregnant.

“I’m sharing this difficult experience with you because I want to spread awareness that Covid-19 is still very much around. Even if protocols are easing up and there already is a mandate allowing people not to wear masks outdoors… I hope we still protect each other in our own little ways.

“Sa mga preggy mommies/ladies, I’m sure makaka-relate kayo rito. Ang hirap pala talagang magkasakit kapag alam mong may dinadala ka sa iyong sinapupunan, hindi dahil sa sarili mo, pero dahil mag-aalala ka talaga para sa baby/anak mo at siyempre para sa asawa mo,” ang pahayag ni Jessy sa kanyang IG.

Mapapanood naman sa kanyang YouTube channel ang naging journey niya sa COVID-19 sa loob ng 11 days.

On Day 3 ay napaiyak si Jessy sa sobrang pag-aalala sa kanyang baby dahil baka raw maapektuhan ito.

“Kung ako lang ‘to, rock and roll lang ako, eh, okay lang. But siyempre, I have a baby inside of me, inside my womb. So, I'm just hoping na it won't affect my baby,” emosyonal niyang sabi.

Nakakabilib naman ang mister niyang si Luis Manzano na sa Day 1 ay talagang ayaw siyang iwanan at tinabihan pa rin siyang matulog sa kuwarto. Okay lang daw sa kanya na mahawa tutal naman ay fully-vaccinated and boosted naman siya.

Pero the next day ay hindi na talaga pumayag si Jessy na magsama pa sila at pinahiwalay na niya ito ng room dahil baka nga mahawa.

Sa Day 10 and 11 ay nag-negative na si Jessy sa virus at sobrang pasasalamat niya na hindi naman naapektuhan ang baby at hindi rin nahawa si Luis.