Love at first sight daw… ALFRED, PROUD NA 15 YRS. NA SILA NG BYUTING MISIS

ni Reggee Bonoan @Sheet Matters | March 16, 2023

Nagpahayag ng pagbati si Konsehal Alfred Vargas sa kanyang maybahay na si Ginang Yasmine Espiritu-Vargas nitong Martes nang gabi through Instagram post patungkol sa kanilang 15th anniversary.

Aniya sa caption, "Happy 15th “love-at-first sight” anniversary, Amore ko @yasmine_vargas2307 (emoji heart."

Dagdag pa niya, “This day exactly fifteen years ago, destiny knocked on my heart and fate spoke to my soul. I met you in Sta. Cruz, Laguna. My life was never the same. You’ve conquered my heart ever since. The rest is history.

“Love you, Amore ko (emoji heart) #vargasnapagibig."

Sinagot naman si Konsi Alfred ng misis niya ng, “Ti amo amore (emoji heart)”, na ang ibig sabihin ay "I love you, love."

Maraming netizens ang bumati sa15th anniversary ng mag-asawa dahil hindi nga naman biro ang umabot nang ganu'n katagal lalo na sa mga celebrities.

Samantala, ipinost din ng aktor/pulitiko ang black and white picture na magkakasama sila nina Direk Gina Alajar, Ms. Nora Aunor at Ms. Jaclyn Jose sa kanyang IG.

Ang caption ni Konsi Alfred, “This might be one of the most iconic photos that I’ll ever be a part of. To be seated alongside three titans of Philippine Cinema ... to be performing with them in PIETA... is a life's honor.

"Pangarap ito ng bawat artistang Pilipino. Pangarap ko ito kahit ako ay baguhan pa lamang noon. Natupad na ngayon! Thank you, Lord! (praying hands).

“I just feel so happy & blessed to be a part of the #PIETAmovie —a film that brings together National Artist & Superstar Nora Aunor @noravillamayor67 & our multiple best actress awardees in both local and international cinema, Ms @ginalajar & Ms @jaclynjose.

“Thank you, Direk @aalixjr, for giving flesh to our vision! Thanks for putting this together!

#PIETAmovie #comingsoon.

Maraming pumuri sa aktor dahil nakatrabaho niya ang tatlong premyadong aktres bukod pa sa pagiging National Artist ni Ate Guy.

---

MTRCB CHAIR LALA, NAKIPAG-MEETING SA GOOGLE PARA MABANTAYAN ANG YOUTUBE

Nagpunta kamakailan si MTRCB Chairperson Diorella Maria G. Sotto-Antonio sa South Korea para makipagpulong sa counterpart ng Movie and Television Review and Classifications Board ng Pilipinas na Korea Media Ratings Board (KMRB) nitong Marso 2.

Ang KMRB ay pinamumunuan ni Chairperson Chai Yoon Hee mula sa Busan.

Mula sa Embahada ng Pilipinas sa Seoul ay lumagda ng Memorandum of Understanding (MOU) ang dalawang ahensiya para sa layunin ng pagkakaisa, kooperasyon at bahaginan ng best practices sa industriya, lalo na ang pag-aangat sa serbisyo, pamantayan at balanse sa pagitan ng pagsusuri at content classifications habang pinapanatili ang creative freedom.

Kabilang sa delegasyon ng MTRCB PH ay sina Board members Raquel Cruz, Maria Carmen Musngi, Atty. Paulino Cases, Jr., at Atty. Cesar Pareja para sa pagsusulong at maabot maging ang mga overseas Filipino at ang kani-kanilang pamilya ng kanilang programang Responsableng Panonood Program.

Samantala, si Atty. Yves Gonzalez, head ng Government Affairs and Public Policy, Google Philippines ay nakipagkita kay MTRCB Chairperson Lala Sotto nitong Lunes (Marso 13) para pag-usapan ang Google's initiatives to promote digital wellness to users of its YouTube application.

Part of the discussion is the feedback mechanism available for YouTube users to flag inappropriate content and the availability of YouTube Kids which is a family-friendly place for kids and families.

Present din sa meeting sina MTRCB Board Members Atty. Paulino Cases Jr., Atty. Cesar Pareja, MTRCB Chief Legal Officer, Atty. Cyris Ng-Santiago, Chief of Staff Bobby Diciembre, Public Relations Officer III Yayee Tobia, at Executive Assistant II Belle Rosal.

Ang YouTube ay global online video sharing platform na ang headquarter ay nasa San Bruno, California, at kasalukuyang pinamumunuan ni Neal Mohan. Pagmamay-ari rin ang YouTube ng Google at second most visited website after Google Search.