LJ, IKAKASAL NA, YEN, ABANGERS PA RIN SA KASAL KAY PAOLO

ni Nitz Miralles @Bida | June 1, 2023

Isang text message kay Nelson Canlas ang sagot ni Paolo Contis nang hingan ng comment sa engagement ng ex niyang si LJ Reyes noong isang araw sa fiancé nitong si Philip Evangelista.

Ang nabasa namin ay "Hi, Nelson! Of course, I'm very happy for her. She deserves to be happy," na siya ring comment ng karamihan sa mga friends at followers ni LJ na mabilis na sumugod sa kanyang Instagram after niyang i-post ang mga photos ng marriage proposal ng fiancé.

Dahil engaged na si LJ, inaabangan ang susunod na hakbang ni Paolo with regards to his relationship with Yen Santos.

Ang tanong ng karamihan, kailan naman daw siya magpo-propose sa dyowang si Yen at kung kailan sila magpapakasal?

As of today, marami pa rin ang nagko-congratulate kay LJ. Isa sa mga ito si Director Gina Alajar na nag-comment ng "So, so, so, happy for you, dearest LJ! This post made me cry.

Congratulations."

May mga netizens nga na hindi naman mga tagahanga ni LJ, pero sobrang natuwa sa magandang balita na dumating sa buhay ng aktres at naiyak pa nga ang mga ito.

At mas marami ang matutuwa at maiiyak kapag ikinasal na si LJ kay Philip.