LIZA, IBINULGAR NA STAGE 4 NA ANG CANCER NG PADIR

ni Vinia Vivar @Frankly Speaking | July 12, 2023

Marami ang nalungkot sa ini-reveal ni former Film Development Council of the Philippines Chairperson Liza Diño na ang kanyang ama na si Martin Dino ay kasalukuyang nakikipaglaban sa Stage 4 cancer.

“So yeah, my dad is fighting the big C (Stage 4) but we won’t let it defeat us,” ang simula ni Liza sa kanyang Facebook post.

Isang taon na raw simula nang malaman nila ang sakit ng kanyang ama, kaya lubhang napakahirap daw talaga sa kanila. Pero malakas daw ang fighting spirit ng kanyang tatay.

“I just realized it’s been a year now since we found out he is sick and while it’s been difficult for our family, we are inspired by my papa’s determination and fighting spirit.

“Ang dami niya pang gustong gawin. Ang dami niya pang gustong matulungan and I know, nagpapalakas siya dahil gusto niyang bumalik sa public service,” saad ni Liza.

“I’m looking at our photo and I just realized, when challenges like these come your way, you can’t help but be grateful just for the fact that you get to live another day; that being happy doesn’t take that much because you recognize the value of the little things in life,” patuloy ng misis ni Ice Seguerra.

Nagbigay siya ng mensahe sa kanyang ama at nagbiro pa na may buhok na ulit ito.

“Your hair! OMG, it’s back. You look great! I’m so proud of you. And look at that smile. Never nawala ang charm. Jusko, kaya guwapo pa rin!!! Ang tapang mo, Papa. Basta, laban tayo. Nandito kami sa likod mo! Love you!” ang mensahe ni Liza sa ama.

Sa comment section ay umani ng simpatya si Liza mula sa mga netizens at nagpaabot ang mga ito ng kanilang pagdarasal at suporta para sa kanyang ama.