LEREN, AYAW TANGGAPIN NG MADLANG PIPOL PARA KAY RICCI KAHIT INAMIN NA

ni Nitz Miralles @Bida | October 23, 2023

Ang OA ng ibang netizens na ginagawang big deal ang age gap ni Ricci Rivero at ng girlfriend niyang si Los Baños, Laguna Councilor Leren Mae Bautista. Five years lang ang age gap ng dalawa dahil kung 30 years old si Leren, 25 years old naman si Ricci.

Bakit kina Marco Gumabao at Cristine Reyes na may five years age gap din, kinikilig ang mga netizens at fans? May comment pa na bagay na bagay ang dalawa at deserve nila ang isa’t isa.

Bakit kina Ricci at Leren, galit at hindi masaya ang karamihan?

Ang isasagot dito ay dahil walang ex si Marco bago nakipagrelasyon kay Cristine, samantalang si Ricci, katatapos lang ng relasyon kay Andrea Brillantes, may Leren na agad na inirampa at ngayon ay inaming girlfriend na nga.

Napansin namin, three days na yatang “popular now” ang status ng Facebook ni Ricci dahil kay Leren. Una, dahil sa sighting sa kanila sa UP-DLSU basketball games na sinundan ng pag-amin na GF na niya si Leren, at nitong huli ay dahil sa pagsagot sa tweet ni Bea Borres na ayon kay Ricci ay BFF ni Andrea.

Sa tweet ni Bea na: “Lol, hanggang hard launch nagmamalinis lmfao no,” sinagot ito ni Ricci ng: “Puro tweet Bea, gusto mo maglabasan tayo ng labada? Tara, sabihan tayo kung sino talaga kumakabit? Hingi ka lifeline para may bala ka bago ka mag-reply publicly for your publicity.”