ni Nitz Miralles @Bida | August 15, 2023
Mapapansin na mga kapwa beauty queens ang sumusuporta kay Shaila Rebortera sa laban nito sa kanyang former partner na si Rob Gomez na ibinulgar niyang nanakit sa kanya. Karamihan kasi sa nagko-comment at nagpahayag ng suporta kay Shaila ay mga beauty queens.
Ang mga comments nina Thia Thomalia, Tracy Maureen Perez, Dindi Pajares, Eva Patalinjug, Ganiel Krishnan, Lara Quigaman, Gwendolyn Fourniol, Beatrice Luigi Gomez ang nagpapalakas ng loob ni Shaila. Ipinaabot din nila ang paghanga sa lakas ng loob ni Shaila to go public sa kanyang pinagdaanan.
May nabasa rin kaming mga messages mula sa kapwa dentist ni Shaila, anytime na kailangan niya ng tulong, ready sila. Nalaman naming isa sa mga dentists ng GAOC
Dental si Shaila.
Hindi lang natin alam kung saang branch ng GAOC Dental siya naka-assign na for sure, hindi na welcome si Rob.
Sunud-sunod uli ang post ni Shaila tungkol sa pinagdaanan niya at palaban ito sa caption niyang “No more suffering in silence.”
Samantala, hindi pa rin nagsasalita si Rob at pabor dito ang publiko para hindi na lumaki pa ang gulo. Ang unsolicited advice nga ng mga Marites, sa korte na mag-usap ang dalawa lalo na at may batang involved.
Hindi naman siguro maaapektuhan ang showbiz career ni Rob at ratings ng Magandang Dilag sa isyu sa kanila ni Shaila.
Wala pa naman kaming nababasang ibo-boycott nila ang series at nabasa namin ang pakiusap ni Herlene Budol na ‘wag siyang isali sa isyu nina Rob at Shaila dahil wala siyang kinalaman dito.