ni Nitz Miralles @Bida | August 6, 2024
Solo nang pag-aari ni Kathryn Bernardo at kanyang pamilya ang barber shop na dati ay co-owned nila ng ex-boyfriend na si Daniel Padilla. Pinalitan na rin nila ang pangalan ng barber shop na mula sa Barbero Blues, New Look Hair Studio na.
Binago rin ang branding at logo at talagang new look na ang barber shop.
Comment ng mga fans ni Kathryn, inalis nila ang bakas ni Daniel sa joint business nila dati.
Sabay sa opening ng New Look Hair Studio ang isa pang branch ng KathNails na pag-aari rin ni Kathryn at ng kanyang pamilya. Hindi nabanggit kung ilang branch na mayroon ang KathNails, basta lumalaki ang negosyong ito ng aktres.
And speaking of Kathryn Bernardo, binibiro itong puwede na siyang mag-asawa dahil marunong siyang magluto. Ang dami niyang niluto at maganda rin ang plating niya, gaganahan kang kumain. Ang mga kasama sa shooting ng Hello, Love, Again ang nakatikim sa iniluto ng aktres.
Madir, ibinabagsak ang anak… GF NI CARLOS NA SI CHLOE, BINALAAN ANG BIYENANG-HILAW
Palaban din ang girlfriend ni Carlos Yulo na si Chloe San Jose at sinagot ang naging pahayag ng mom ni Carlos na si Angelica Yulo sa kanyang Facebook (FB) account.
Partikular na sinagot ni Chloe ang pagbubunyi ng nanay ng kanyang boyfriend na ang Japan lang ang malakas. Ito ‘yung matalo si Carlos sa All-Around finals.
Sabi ni Chloe, tapusin muna nila ang competition ni Carlos bago niya sagutin isa-isa ang mga ipinaratang sa kanya ng nanay ng boyfriend.
“Mother dear, I’m gonna hold your hand when I say this... pero wait ka lang, tapusin lang po namin ‘yung vault finals-paki-off na your comment section po, ah.
“Japan pa rin talaga ang malakas but malakas din naman si Carlos Edriel Yulo, GOD IS WITH HIM.”
Nanalo na ng kanyang second gold medal si Carlos, may time na si Chloe na sagutin ang future mom-in-law niya. Ano kaya ang mga sasabihin pa nito? May mga nag-comment na dapat hindi na pinatulan ni Chloe ang mom ni Carlos, naagawan daw nila ito ng moment. Sa halip na ma-focus lang kay Carlos ang balita, naki-share pa sila ng nanay nito.
Ang nakakatuwa lang, maganda pa rin ang relasyon ni Carlo sa kanyang ama at naiyak pa sa interbyu sa kanya sa Kapuso Mo, Jessica Soho.
Nami-miss nito ang anak at pati ang brother ni Carlos na si Karl, may paggalang pa rin sa kuya niya. Inspirasyon daw niya ito sa pagpasok din sa gymnastics.
May mga sumakay na rin sa hidwaan nina Carlos Yulo at kanyang ina, may mga fake comments si Angelica Yulo patungkol sa anak. Kaya pinag-iingat ang mga netizens na ‘wag agad maniniwala.
Nagbalik na sa Unang Hirit si Arnold Clavio simula kahapon at natuwa ang mga viewers ng morning show ng GMA-7 na muli siyang mapapanood nang regular.
Matagal ding hindi nag-report sa show si Arnold dahil na-stroke at nang gumaling, kailangan pa niyang magpa-rehab.
Kahit magaling na, pinag-iingat pa rin si Arnold ng mga fans at viewers ng Unang Hirit na sigurado namang gagawin nito.
Now that he is back, balik na rin ang mga pa-shade ni Arnold sa mga pulitiko, lalo na ang mga bumati kay Carlos Yulo.
“EHEM! Nakakaumay na ang mga pagbati ng mga pulitiko kay Carlos Yulo matapos sumungkit ng mga gintong medalya sa 2024 Paris Olympics.
“Talagang nahalukay pa sa baul ang mga larawan. ‘Yung iba, mas malaki pa ang pagmumukha at pangalan kay Yulo. Hay naman!”
Comments